Un ensaio anotado por Alejandra Fernández co tempo xa cumplido volteaba o marcador a favor do CRAT Residencia Rialta nun partido ante o CR Complutense Cisneros que estivo moi igualado e que rematou cun 10-7 para as galegas.
Malia o temporal que está a azoutar A Coruña esta fin de semana, que estivo apunto de provocar o adiamento do partido e que todo apuntaba a que sería un condicionante importantísimo no xogo, puidose ver na cancha herculina, ver case por milagre, un encontro sen unha soa pinga de auga caída do ceo, nin tampouco con excesivos refachos de vento. Non hai que olvidar que este partido era un encontro pendente debido ao illamento do CRAT que lles impedira disputar a cuarta xornada no momento que estaba previsto.
Tanto o CR Complutense Cisneros como CRAT Residencia Rialta contaban con numerosas baixas para o encontro, algo que, sumado a tensión por importancia do partido, marcou o cruce por completo.
Os erros en ataque eran constantes e estes suplíanse cunhas boas defensas que facían que, salvo por un ensaio temperán do conxunto local, o marcador parecese inamovible. A o descanso chegouse co 5-0 froito do ensaio acadado por Claudia Barrio aos dez minutos de xogo.
O Cisneros dalle a volta ao choque provocando a reacción do CRAT
Nos compases finais do encontro, e xusto cando parecía que ese cinco puntos anotados polas coruñesas ían ser suficiente para sentenciar un duelo, trabado como poucos se lembran, chegou a sorpresa. Un erro e unha boa carreira visitante de máis de tres cuartos de campo puñan o 5-7 no marcador a falta de cinco minutos. O ensaio asinouno Celia Dávila, e a transformación Alejandra Castejón. O resultado colocaba ao CRAT Residencia Rialta contra as cordas e obrigaba a arriscar.
Como se ese ensaio acendese un resorte nos miolos das galegas, as xogadoras do conxunto herculino viñéronse arriba. Reaccionaro. As pupilas do dúo técnico conformado por Helen Roca e Jos Porto protagonizando practicamente o cinco mellores minutos ofensivos do encontro.
As coruñesas do CRAT Residencia Rialta foron quen den encerrar ao conxunto do CR Complutense Cisneros nas proximidades da súa liña de marca. E, deste xeito, conseguiron finalmente no último suspiro do encontro un ensaio valiosísimo que lles deu o triunfo por 10-7 cando o partido morría.
Esta vitoria supón catro importantísimos puntos para o CRAT Residencia Rialta, que poden ser chave para o devir da tempada. Con este resultado as galegas pechan unha primeira parte de volta sobresaínte tendo en conta a infinidade de vicisitudes que tivo que vivir a plantilla herculina. Todo un acicate para unha segunda volta que oxalá sexa igual de frutífera, pero menos convulsa.
Neste final da primeira volta, o CRAT Residencia Rialta sitúase na cuarta plaza, no medio da táboa clasificatoria. Xustamente un punto e un posto por debaixo das súas rivais desta fin de semana, o CR Complutense Cisneros. Ostentan o liderato as sevillanas do Corteva Cocos Rugby.
FICHA TÉCNICA
10) CRAT RESIDENCIA RIALTA: Judith Hernández, Miriam Roig, Maica Martí, Elena Martínez, Maria Vega, Diana Antón, Alicia San Martín, Divi Leis, Alba Lalín, Anita Iglesias, Paulina Alcoleas, Elsa Porto, Claudia Barrio, Maitane Buján e Jess Martín. Tamén xogaron: Paula Burillo, Carla Mosquera, Alejandra Fernández, Alba Lalín, Paz Marín, Micaela Martínez e Ana Montero.
7) COMPLUTENSE CISNEROS: Casandra López, Lucía Malagón, Claudia Urbizu, Carlota Heredero, Inas El-Ammouri, Alba Alónso, María del Mar Escusa, Margarita Blanco, Elena Amo, Raquel Alonso, Celia Dávila, Arántzazu Olabarría, Inmaculada Bargués, Rosa Blasco e Alejandra Castejón. Tamén xogaron: Gema García, Elisa Álvarez, Elsa del Pino e Ester Peirotén.
MARCADOR:
5-0 Minuto 10: Ensaio de Claudia Barrio.
Descanso
5-7 Minuto 74: Ensaio de Celia Dávila, transformado por Alejandra Castejón.
10-7 Minuto 80: Ensaio de Alejandra Fernández.
ÁRBITRO: Colexiado Arnaltz Bilbao. Expulsou temporalmente á xogadora local Maria Vega, por falta reiterada de equipo, mentres que nas visitantes o xogo sucio foi o motivo de exclusión temporal de Gema García.
INCIDENCIAS: Partido correspondente á cuarta xornada dentro Liga Iberdrola de rugby da Federación Española de Rugby disputado na cancha de Elviña, na Coruña.
