A terceira derrota desta tempada para o Celta Zorka Recalvi chegou da man do Osés Construcción Ardoi. Un axustado 78-74 no marcador fixo que os dous puntos quedasen en Navarra e fan peligrar o segundo posto das celestes na Liga Feminina 2.
O encontro prevíase igualado, entre dous conxuntos cunha traxectoria similar este curso e que chegaban ao duelo cunha diferenza de dous puntos na táboa. Ambos chegaban dunha vitoria e con dúas derrotas no seu casilleiro. Un número que para as celestes aumentou, ao non poder impoñerse ao cadro local.
A débil defensa do Celta e as rotacións rivais sentenciaron o partido
O Ardoi colleu o mando do partido desde o inicio e dominou durante os 40 minutos do partido. Os triples de Eva Cases para o conxunto local no primeiro tempo situou ás navarras por diante ata un bo parcial do Celta, que para o minuto oito lograba adiantarse cun 14-15. Pouco durou a vantaxe celeste. Dúas boas accións de Josephine De Barros deixaron o primeiro cuarto para o Ardoi, cun 18-17.
A diferencia foi aínda maior para o segundo tempo, cando as viguesas só conseguiron repetir puntuación, mentres que o Ardoi íase do marcador sumando 22 puntos, grazas ao acerto das súas exteriores. A defensa do Celta non lograba reaccionar para parar o xogo local e foise ao descanso cun 40-34 no electrónico.
Tras o paso por vestiarios, o cadro dirixido por Cristina Cantero seguía cometendo fallos en defensa que costaron o partido. Pola súa banda, a defensa en zona das navarras impedía que o Celta sumase, mentres achegábanse á canastra con facilidade.
Retoques defensivos celestes para frear o ataque do Ardoi
A adestradora celeste tivo que solicitar un tempo morto para que o seu equipo reaccionase. Unha defensa máis forte diminuíu o ataque do Ardoi, mentres Maja Stamenkovic facíase coa zona rival e reducía as distancias.
Os últimos dez minutos foron decisivos para a vitoria final. As visitantes colleron lograron levarse o último cuarto por unha diferenza mínima, que non foi suficiente para a remontada. Este tempo comezou cun moi bo parcial para as locais, que as aventaxaba aínda máis no electrónico.
A falta de segundos para o son da bucina, ambos equipos seguían loitando con uñas e dentes e a última acción foi para a celeste Julien, que puxo o 78-74 final. O cansancio e a presión dun rival moi duro durante todo o encontro e con moitas rotacións fixeron que os dous puntos quedasen na casa.
Malia a derrota, a serbia Maja Stamenkovic foi a MVP do partido, empatada en 23 créditos valorativos coa local Amaya Gastaminza. A celeste sumou un total de 21 puntos e oito rebotes, seguida de Margarita Davydova, que logrou 17 puntos de valoración tras asinar 10 tantos e doce rebotes.
Un duro resultado para un Celta que leva toda a tempada querendo achegarse á primeira posición, que aferra un BAXI Ferrol que aínda non atopou rival e que ven de marcar máis de 100 puntos a outro galego, o Maristas Coruña.
As celestes reciben este domingo, ás 18:00 horas, ás líderes, nun encontro que promete ser unha festa do baloncesto galego.
FICHA TÉCNICA
78) OSÉS CONSTRUCCIÓN ARDOI: Itziar Arregui (4), Tamara Montero (6), Iranzu Echeverría (9), Amaya Gastaminza (16), Diana Cabrera (6) – cinco inicial -. Tamén xogaron: Paula Marcos (4), Eva Cases (9), Alazne Vicente (2) Deborah Ayela (4), Andrea Tollar (4) e Joana de Barros (14).
74) CELTA ZORKA RECALVI: Mariona Martín (14), Celia García (12), Rose Marie Julien (12), Maja Stamenkovic (21), Marita Davydova (10) – cinco inicial -. Tamén xogaron: Noa Comesaña (0), Lucía Fontela (3), Angela Coello (4) e Sara Vidal (0).
PARCIAIS: 18-17, 22-17, 18-17 e 20-23.
ÁRBITROS: Jesús Marín Abad e Alexis Fuentes Magarzo. Sinalaron ata 24 faltas ao Osés Construcción Ardoi e un total de 15 faltas ao Celta Zorka Recalvi.
INCIDENCIAS: Partido correspondente á undécima xornada da Liga Feminina 2 disputado na pista polideportiva municipal de Zizur Mayor, en Navarra. Xogado sen público.
