Arrincaba hoxe, domingo 14 de marzo, o concurso das representantes galegas na Ok Liga Prata feminina. As dúas escuadras de hoquei sobre patíns xogaban a domilicio e as dúas regresan a Galicia co trunfo no peto. No terceiro partido desta primeira xornada enfrontábanse CPP Raspeig e CP Alcorcón con vitoria das segundas por un claro 0-10 que as sitúa como primeiras líderes da competición seguidas do HC Borbolla no segundo posto e HC Deportivo Liceo no terceiro.
Trunfo rotundo do HC Borbolla no seu debú na Ok Liga Prata
No caso do HC Borbolla, as de Santi Martínez colleitaron unha vitoria ampla en terras de Euskadi onde visitaron ao Gatikako Iusturi. O trunfo das de Monte Alto foi por 1-7. Ao descanso xa tiñan o partido encamiñado cun 0-5 no marcador electrónico.
Marta Vilas foi a goleadora da xornada con tres goles. Anotaron tamén Lucía e Lara Yáñez, así como Valentina de Girolamo. O gol da honrra para as locais do Gatikako Iusturi o anotaba con 1-5 Jessica Zubia.
As tomatitas descansarán a próxima xornada, xa que o grupo é impar e cada quenda non xoga un dos conxuntos da Ok Liga Prata.
FICHA TÉCNICA
1) GATIKAKO IUSTURI: Marina Torre, Ana Bryson, Isturitze Aurrekoetxea, María Sevillano, Jessica Zubia – quinteto inicial -. Tamén xogaron: Garazi Bilbao e Uxue López. Micaela Torre (P.S.)
7) HC BORBOLLA: Edén Avecilla, Marta Vilas, Antía Rivadas, Lucía Yáñez, Lara Yáñez – quinteto inicial -. Tamén xogaron: Valentina de Girolamo, Alba Díaz e Florencia de Girolamo. Lucía Castro (P.S.)
GOLES: 0-1: Marta Vilas. 0-2: Marta Vilas. 0-3: Marta Vilas. 0-4: Lucía Yáñez. 0-5: Marta Vilas. 1-5: Jessica Zubia Cobos. 1-6 Lara Yáñez (penalti), 1-7: Valentina de Girolamo.
ARBITRO: Jon Zulueta Larrea. Amosou cartón azul a Marta Vilas Martínez do HC Borbolla.
INCIDENCIAS: Partido correspondente á primeira xornada da Ok Liga Prata Feminina disputado no pavillón polideportivo de Gatika.
O HC Deportivo Liceo regresa cos puntos á Coruña
Un gol en cada tempo (o primeiro de Naiara e o segundo da chilena Bea Gaete) e tres puntos no peto se levan as coruñesas do HC Deportivo Liceo da súa visita ao CP Las Rozas. Sobre a bucina Lucía Paza Aldrey erraba unha falta directa que tería suposto o terceiro tanto das galegas, pero o partido rematou 0-2. As xogadoras que adestra Carlos Loureiro comezan con bo pé o seu concurso na Ok Liga Prata.
O vindeiro domingo ás 12:00 da mañá, na pista colexial, o HC Deportivo Liceo recibirá ao CP Alcorcón. Se gañan, póñense líderes.
FICHA TÉCNICA
0) CP LAS ROZAS: Alicia Abad Zamorano, Claudia Silva (C), Carmela Pérez, Mónica Villaro e María Alcalde – quinteto inicial -. Tamén xogaron: Ana Asensi, Ana Horche, Rocío Antón e Elena Arganda. Nerea Notario (P.S.)
2) HC DEPORTIVO LICEO: Catherine Guscin, Alejandra Martín, Naiara Vaamonde, Bea Gaete e Lucía Paz (C) – quinteto inicial -. Tamén xogaron: Andra Ojeda, Isabel Barros e Inés Temprano. Noemí Uzal (P.S.)
GOLES: 0-1: Naiara Vaamonde Couto. 0-2: Bea Gaete
ARBITRO: Jorge Carmena Ortega. Sen cartóns azuis.
INCIDENCIAS: Partido correspondente á primeira xornada da Ok Liga Prata Feminina disputado no Centro de Patinaje Las Rozas.
