Non sen sudor e case lágrimas, o Celta Zorka Recalvi consumou unha vitoria importantísima ante o Extremadura Miralvalle Plasencia (59-43), no marco da décimo oitava xornada da Liga Feminina 2.
Vencer neste partido de volta ás extremeñas fai que as celestes se adxudiquen o basketaverage, algo vital tendo en conta que ambos equipos son firmes candidatos a competir polo ascenso. Á espera dos partidos adiados, o Celta ocupa a cuarta posición da táboa.
Pola outra banda, o Miralvalle acusou o cansancio de competir o día anterior ante o Arxil, nun partido que gañou por 49-60 e queda no terceiro posto.
Partido de altura entre Celta e Miralvalle
Ambos conxuntos saíron fortes ao parqué de Navia, xogando con todo desde as primeiras xogadas. No quinteto titular do club local repetía Coello, mentres que as visitantes saltaban coas súas habituais.
Malia a concentración viguesa, o Miralvalle saíu con máis acerto neste primeiro tempo, no que estivo especialmente inspirada Princess Aghayere. As extremeñas comezaron situándose por riba, pero o Celta recuperouse chegando a estar por diante cun 8-6.
Este cambio de poder tivo resposta no parcial 0-9 liderado por Weledji e Robertson, que obrigou a Cantero a pedir un tempo morto. A adestradora deu entrada a Motley, que mellorou o xogo galego, pero que seguía á zaga cando remataron os dez primeiros minutos (10-15).
Ao verse por debaixo, nun partido tan importante e disputado na casa, o conxunto celeste reaccionou. No segundo cuarto Stamenkovic e Comesaña lideraron a remontada viguesa. As forzas igualaronse nos 18 puntos, ante o cal as visitantes solicitaron unha pausa.
As ordes do banco rival reactivaron a Robertson, que chegaba ao descanso con 13 puntos e cinco rebotes, dominando na pista galega. Como contrapunto no Celta, Davydova destacaba en defensa, igualando o nivel no marcador, que chegaría ao descanso co 24-25.
No terceiro cuarto, repetiuse a mesma estrutura. Se o segundo tempo deixou un 14-10 o terceiro tamén o faría, colocando xa ás celestes como favoritas para a vitoria.
A tensión respirábase no pavillón, chegando ao punto da expulsión do técnico visitante, debido a unha protesta por uns pasos na finalización de Lacorzana e que chegou despois da cuarta falta de Aghayere. Neste momento, o empate reinaba no marcador, pero as extremeñas apretaron e puxeron o 33-35 que sería respondido por Julien e Celia García, deixándoo no 38-35 a falta de dez minutos.
As rotacións celestes foron a chave na vitoria
O último tempo foi dominado e controlado sen problemas polo Celta, contra un Miralvalle que xa non podía máis. A expulsión de Robertson no minuto 36 marcou a debacle visitante, mentres que as locais asinaban un parcial 16-0.
Cantero sacou partido das súas amplas rotacións, fronte as escasas opcións de cambios no banco extremeño. Este foi o factor determinante para inclinar a balanza cara o equipo galego.
Despois de cinco minutos sen que o balón entrase na canastra para o Miralvalle, as extremeñas reencontraronse co acerto e achegábanse ameazadoramente ás celestes, poñendo en perigo o duelo e o average.
Con todo, os esforzos visitantes non foron suficientes e o Celta soubo aproveitar a súa superioridade para afianzar a vitoria e sumar dous puntos que as deixan na cuarta praza e co balance de canastras ao seu favor.
Revive os mellores momentos do partido dándolle ao play:
FICHA TÉCNICA
59) CELTA ZORKA RECALVI: Mariona Martín (4), Celia García (11), Rose Marie Julien (5) Angela Coello (2), Marita Davydova (14) -cinco inicial-. Tamén xogaron: Ainhoa Lacorzana (2), Noa Comesaña (2), Lucía Fontela (0), Maja Stamenkovic (6) e Adrienne Motley (13).
43) EXTREMADURA MIRALVALLE PLASENCIA: Alicia Morales (7), Sofia Aínsa (0), Timawe Weledji (7), Princess Aghayere (10), Stacia Robertson (14) -cinco inicial-. Tamén xogaron: Andrea Cueva (2), Lidia Francisco (0), Natalia Pizarro (0) e Celia Rodríguez (3).
PARCIAIS: 10-15, 14-10, 14-10 e 21-8.
ÁRBITROS: Jaime Álvarez-Ossorio Varela e Martín Trasancos Blanco. Sinalaron un total de 16 faltas a Celta Zorka Recalvi e 19 faltas a Extremadura Miralvalle Plasencia. Eliminaron por faltas técnicas ao adestrador visitante Raúl Pérez.
INCIDENCIAS: Partido correspondiente á 20ª xornada do Grupo A da Liga Femenina 2 disputado no pavillón de Navia.
