- Xornada de contrastes para os equipos galegos na LF Endesa. Axustada vitoria do Durán Maquinaria Ensino (85-83) e contundente derrota do BAXI Ferrol (87-57)
O baloncesto galego da primeira categoría viviu unha xornada de luces e sombras, primeiro coa merecida vitoria do Durán Maquinaria Ensino sobre o Lointek Gernika Bizkaia (85-83) e máis tarde coa rotunda derrota do BAXI Ferrol ante o Casademont Zaragoza (87-57).
Arranque de tempada prometedor do Durán Maquinaria Ensino
A cuarta xornada de Liga Femenina Endesa deu comezo co partido que enfrontaba ao Durán Maquinaria Ensino contra o Lointek Gernika Bizkaia. Un cruce que dende o primeiro cuarto presaxiaba un resultado moi parello, cun tanteo inicial de 27-24.
Tivo altos e baixos o cadro dirixido por Suso Garrido, xa que no segundo tramo do encontro, a balanza decantouse do lado das vascas, cunha diferenza de 12 puntos sobre o cadro local. Pero nos dous últimos parciáis, as lucenses souberon sobrepoñerse e acadar un resultado final favorable (85-83).
Ver esta publicación en Instagram
Foi un triunfo moi traballado que as sitúa na 6ª posición da clasificación, con tres vitorias e unha derrota.
No vindeiro partido, o Durán Maquinaria Ensino mediranse ao Perfumerías Avenida, o próximo domingo 2 de novembro ás 12:15 horas no Pazo Provincial dos Deportes de Lugo. Está previsto que dirixa o encontro o seguinte equipo arbitral: Jacobo Rial Barreiro, Juan P. Morales García – Alcaide e Sergio del Val Nuño.
Ver esta publicación en Instagram
FICHA TÉCNICA
PARCIAIS: 27-24, 19-31, 20-12–10 e 19-18
EQUIPO ARBITRAL: Héctor Báez Batista, Francisco González Cuervo e Alejandro Calvo Aceña
INCIDENCIAS: Partido correspondente á cuarta xornada da LF Endesa, disputado no Pazo Provincial dos deportes (Lugo).
Complicada derrota do BAXI Ferrol
O BAXI Ferrol non está vivindo o seu mellor momento na competición estatal, as galegas caeron ante o Casademont Zaragoza en campo rival, cun avultado resultado (87-57).
Un duro golpe para o cadro adestrado por Lino López, que acumula ata o momento dúas vitorias e dúas derrotas nas 4 xornadas que van de competición, o que as sitúa nun pouco esperanzador 11º lugar da táboa.
Ver esta publicación en Instagram
Esta situación obriga ás galegas do BAXI Ferrol a resarcirse e acadar o triunfo no seu próximo partido na LF Endesa, no que se enfrontarán ao Ingeniería Ambiental CAB ESTEP en A Malata, o próximo día 2 de novembro ás 11:00 horas. Arbitrarán o choque Josep María Olivares Bernabeu, Cristian Martín Vázquez e Alejandro López Lecuona.
Antes terán que afrontar o seu compromiso na Eurocup Women ante o Benfica.
FICHA TÉCNICA
PARCIAIS: 21-23, 23-12, 18-11, 25-11
EQUIPO ARBITRAL: Carlos Javier García León, Rodrigo Garvin Domingo e Alberto Lazaro Rodríguez
INCIDENCIAS: Partido correspondente á cuarta xornada da LF Endesa, disputado no Pazo Pabellón Príncipe Felipe (Zaragoza).
RESULTADOS DA 4ª XORNADA NA LF ENDESA
- DURÁN MAQUINARIA ENSINO – LOINTEK GERNIKA BIZKAIA 85-83
- MOVISTAR ESTUDIANTES – CADI LA SEU 97-83
- INGENIERÍA AMBIENTAL CAB ESTEP – INNOVA TSN LEGANÉS 65-61
- PERFUMERÍAS AVENIDA – IDK EUSKOTREN 57-65
- CASADEMONT ZARAGOZA – BAXI FERROL 87-57
- VALENCIA B.C. – HOZONGO GLOBAL HAIRIS 64-61
- CLUB JUVENTUT BADALONA – SAR GRAN CANARIA 88-76
- SPAR GIRONA – KUTXABANK ARASKI 90-49
