O ano remata de xeito dispar para Celta Zorka Recalvi e Maristas Coruña que esta fin de semana se enfrontaban no pavillón colexial da cidade herculina. O resultado do cruce, 48-77, sitúa ás de Vigo na cuarta posición da táboa clasificatoria, mentres que as coruñesas son xustamente as cuartas pola cola no Grupo A da Liga Femenina 2 (LF2).
Despois de caer diante do infalible BAXI Ferrol, o Celta Zorka Recalvi aspiraba a pechar a primeira volta da liga vencendo. O seu rival, o Maristas Coruña, pouco puido facer diante do dominio das celestes que impuxeron o seu xogo.
O arranque, cun parcial 0-9, definiría o partido. Jorge Carrera tentaba reorganizar filas pedindo un tempo morto pero a melloría local durou pouco. O Maristas Coruña exercía unha presión forte para tentar para ás viguesas pero non impediu que ao final do primeiro cuarto xa fose dez puntos por diante o Celta Zorka Recalvi (11-21).
Joana Ferreira impulsou a melloría local no segundo cuarto pero Cristina Cantero frenou o partido cun tempo morto cando ían 16-23. En varias ocasións as coruñesas se achegaron no electrónico a tan só cinco puntos do Celta, pero non conseguían recurtar máis as distancias. Neste período parcial foi de 17-23 colocando o global do partido en 28-44.
Non foi a mellor a cousa para o Maristas no terceiro período no que caía por 7-18 (35-62 no cómputo global.
Tampouco no último período do partido foron quen as coruñesas de se impór ás viguesas que remataron o cuarto cuarto dous punto arriba (13-15) finiquitando o partido cun rotundo 48-77 a favor das visitantes. A xogadora con mellor valoración do partido foi Marita Davydova con 28.
O Celta recibe ao GDKA Ibaizaball en Reis
O Celta Zorka Recalvi remata a primeira volta na Liga Femenina 2 ubicado na cuarta plaza da táboa co nove vitorias e catro derrotas. Pola a súa banda o Maristas Coruña é undécimo con tres triunfos e dez partidos perdidos.
As xogadoras do equipo da cidade olívica collen vacacións e non voltarán aos adestramentos até o 2 de xaneiro do 2021, unha semana antes do retorno á competición das de Cristina Cantero na LF2. As viguesas recibirán ao GDKA Ibaizaball o día de Reis, 6 de xaneiro ás 20:00 horas no pavillón polideportivo de Navia.
Último viaje de 2020. Cómodas, seguras y muy bien cuidadas.
Ahora toca descansar unos días.Gracias a nuestros colaboradores #CateringMontserrat y #FundacionCelta por su atención‼️#MarcaCeltaBaloncesto pic.twitter.com/aQD9hoh1Nq
— CELTA BALONCESTO 💙 (@Celtabaloncesto) December 20, 2020
FICHA TÉCNICA
MARISTAS CORUÑA (48): Laura Martínez (0), Tatiana Casal (3), Eugenia Filgueira (2), Andrea Pérez (9), Laura Cervelo (7) – quinteto inicial -. Tamén xogaron: Joana Ferreria (10), Lucía Galán (0), Mara Cortés (7), Laura Ruiz (2), Laura Shryrl Hugues (6) e Ariadna González (2)
CELTA ZORKA RECALVI (77): Mariona Martín (7), Lucía Fontela (4), Celia García (17), Maja Stamenkovic (6), Marita Davydova (18) – quinteto inicial -. Tamén xogaron: Noa Comesaña (5), Florencia Niski (1), Clara Prieto (7) Angela Coello (10) y Sara Vidal (2).
PARCIALES: (11-21) (17-23) (7-18) e (13-15)
ÁRBITROS: Manuel Andrés Seijo e Martín Trasancos Blanco.
INCIDENCIAS: Partido correspondente á 13ª xornada do Grupo A da Liga Femenina 2. O cruce disputouse no pavillón polideportivo do Colegio Maristas da Coruña. No recinto houbo so 50 persoas sentadas nas bancadas debido ao aforo restrinxido que está decretado para encontros deportivos en recinto pechado.
