A domicilio e con seguridade vencía esta fin de semana o Pescados Rubén Burela ao Sala Zaragoza no pavillón S. XXI de Zaragoza por 2-5. Durante o partido unha das futbolistas do conxunto local, Carmen Alonso sufriu un golpe e tivo que ser trasladada a un centro hospitalario pero puido marchar para casa logo das probas ás que foi sometida.
Nuestra jugadora Carmen Alonso, que ha sufrido un fuerte traumatismo en la cabeza durante el partido de hoy y ha sido trasladada a un centro hospitalario, se encuentra ya en casa y estable tras habérsele realizado las pruebas médicas pertinentes.
¡Mucho ánimo Carmen! pic.twitter.com/BXmOyqOpf9
— Sala Zaragoza (@SalaZaragoza) March 12, 2022
O conxunto mariñán encarrilou o partido nunha primeira parte na que abriu o marcador nos primeiros compases por mediación de Irene Samper (0-1). Co paso dos minutos a escuadra dirixida por Lucas afianzou o seu dominio ante un Sala Zaragoza que apenas inquietaba a meta defendida por Sandra Buzón.
Emilly rozou o segundo tanto cunha espectacular vaselina pero na seguinte oportunidade non perdoou a Etayo marcando o 0-2, minuto 16.
A presión alta do Pescados Rubén Burela maniatou a un equipo local que acusaba a escasa rotación dispoñible para este partido.
Na recta final do primeiro período as galegas deixaron o choque encarrilado con dous goles máis. Ale de Paz ampliou a renda marcando a porta baleira tras unha boa presión e Bea Mateos situou o 0-4 definindo con clase un contragolpe.
DESCANSO | Sala Zaragoza 0 – @burelafs 4#Súmatealailusión#SalaZaragoza ⚽💙🤍 pic.twitter.com/iMcvTZ1aPU
— Sala Zaragoza (@SalaZaragoza) March 12, 2022
Co 0-4 chegouse ao descanso e na continuación o Burela saltou á cancha mantendo a presión alta e rapidamente cortou calquera indicio de esperanza local co 0-5 logrado por Irene Samper, minuto 23. Tras unha boa presión e roubo, a burelista marcou o quinto sen oposición.
Co 0-5 o equipo galego manexou o partido con solvencia e sen moitos apuros para Jozi que entrou no segundo acto para salvagardar a portería laranxa.
No minuto 3, o Sala Zaragoza recortou distancias ao transformar Rapha Martins unha pena máxima (1-5) e Miriam maquillou o resultado co 2-5 final.
O Burela recibe ás colistas no seguinte cruce de Liga
Logo deste partido as futbolistas que prepara Chus Muñoz teñen dúas semanas de parón competitivo por diante. Nese tempo poderán preparar non so tramo final de tempada, se non o seguinte reto que será contra o ENCE Marín Futsal o vindeiro 2 de abril. As mañas, decimoterceiras con 18 puntos, medirán forzas coas galegas en Marín. As xogadoras que adestra Raúl Jiménez, están recuperando o seu xogo. Arestora son undécimas con 26 puntos logo de vencer esta fin de semana ao AE Penya Esplugues a domicilio (0-2)
No caso do Pescados Rubén Burela, as Guerreiras Laranxas, tamén xogarán en liga o 2 de abril. Farano recibido en Vista Alegre ás colistas, o Joventut d’Elx FS, cunha traxectoria de 19 partidos perdidos e so un gañado.
FICHA TÉCNICA
2) SALA ZARAGOZA: Etayo, Queiroz, Laura, Rapha Martins e Carmen – quinteto inicial -. Tamén xogaron: Mirian, Maite e Antía.
5) PESCADOS RUBÉN BURELA: Sandra Buzón, Cami, Leti M. Cortés, Irene Samper e Emilly – quinteto inicial -. Tamén xogaron: Bea Mateos, Elena Aragón, Dany, Ale de Paz, Jenny, Jozi e Elenita.
GOLES: 0-1, m.4, Irene Samper; 0-2, m.16, Emilly; 0-3, m.19, Ale de Paz; 0-4, m.20, Bea Mateos; 0-5, m.23, Irene Samper; 1-5, m.31, Martins (penalti); 2-5, m.34, Miriam.
ÁRBITRAS: Lucía Gómez Rojo, e Susana Paraíso Sopena. Amosaron cartón amarelo a Queiroz, Carmen e Antía do Sala Zaragoza, e nas filas do Pescados Rubén Burela recibiron cartón amarelo Dany e Elena Aragón.
INCIDENCIAS: Partido correspondente á xornada 20 da Primeira División do fútbol sala feminino da RFEF, disputado no pavillón S. XXI de Zaragoza.
FINAL | Sala Zaragoza 2 – @burelafs 5
No pudo ser pero el equipo dio la cara hasta final. Ahora dos semanas de descanso y volveremos a la competición el 2 de abril ante Marín#Súmatealailusión#SalaZaragoza ⚽💙🤍 pic.twitter.com/lCsKOWKTh4
— Sala Zaragoza (@SalaZaragoza) March 12, 2022
