O Aceites Abril suma tres novos puntos na Primeira División Femenina do Volei da RFEV e o fai ante CV D´Elhuyar. Este trunfo permite ás ourensás recuperarse e as sitúa na cuarta posición da táboa dentro do grupo A desta categoría.
Unha baleira cancha de O Pompeo era o escenario dun choque de vital importancia tanto a nivel deportivo como psicolóxico para o plantel ourensá do Aceites Abril CVO. As galegas impuxéronse ao seu rival, o CV D´Elhuyar, por 3-0 con marcadores de 25-17, 26-24 e 25-15.
O inicio do encontro estivo marcado polo acerto no saque por parte de ambos os equipos. Esta circunstancia permitiría que, a pesar de coller certa vantaxe no marcador o equipo local en momentos puntuais do inicio do set, finalmente as visitantes conseguían igualar até a recta final do primeiro set. Foi aí onde o Aceites Abril CVO conseguía pór terra de por medio co seu contrincante e facerse con certa comodidade coa vitoria (25-17).
No segundo set a situación empezaba de forma similar ata que un acertado D´Elhuyar conseguía cunhas series de saque moi agresivo tomar certa distancia no marcador. Esta situación manteríase até a última parte do set onde as ourensás reaccionaron. Nese momento do segundo set, as galegas serían capaces de sacar a súa mellor versión e conseguir salvar un set que por momentos parecía claramente para as de Logroño.
Protagonismo da cadete do Aceites Abril Martina Rey
O último e definitivo set foi un pouco máis cómodo para as locais. A partir do punto 15 o Aceites Abril CVO conseguía encadear unha serie de accións moi efectivas e sacaba unha vantaxe que permitiría, incluso, dar minutos ás xogadoras máis novas. Tivo especial protagonismo a cadete Martina Rey que conseguía co seu saque incomodar á recepción logroñesa e pechar o partido cun 25-15 que colocou o 3-0 definitivo no luminoso do Pompeo ourensá.
Na próxima xornada o Aceites Abril CVO terá que desprazarse á cidade da Coruña para medirse ao CV Calasancias. O conxunto coruñés ven de caear derrotado nesta xornada ante o CV Oviedo por 3-0 ( 25-21, 25-15 e 25-11). Herculinas e ourensás ofrecerán, a bo seguro, un bo espectáculo de voleibol galego nesta Primeira División Femenina estatal.
