O pavillón de A Malata presenciou a primeira vitoria do ano do seu equipo de Liga Feminina 2. O Baxi Ferrol impúxose (88-51) ó Añares Rioja no último partido da primeira volta da competición.
As últimas derrotas (Movistar Estudiantes e Patatas Hijolusa) non están presentes no maxín do plantel dirixido por Lino López. O balón comezou a circular moi ben entre todas as súas xogadoras. Desde os inicios, e sobre todo, no primeiro tempo, xa deixaron claramente que iba a reinar en A Malata.
A diferenza de 23 puntos poñíallo moi complicado para que o Añares Rioja remontara. Ademais tamén notaron a baixa das dúas americanas do plantel, Jessica Fequiere e Jaisa Nunn debido aos problemas do visado. A única baixa no conxunto local foi Marta Torreblanca. O que anunciamos en As Nosas.
Ao descanso, as riojanas acurtaron en dous puntos o marcador (50 a 29). A segunda metade tardou máis de 15 minutos. As xogadoras tiveron que esperar en volver a pista debido a un problema cunha das canastra.
Un espectacular capitá do Baxi Ferrol enchufaba moi ben dende o triplo
Nos vindeiros vinte minutos o resultado iba a seguir na mesma liña do primeiro e segundo tempo. A superioridade tanto no ataque coma na defensa do Baxi eran o prinicipal inconveniente do Añares. O que fixo que o seu adestrador, Luis Aguirre, pedira varios tempos mortos para reconducir as súas xogadoras.
Macy Miller e Natalia Rodríguez acaparaban todos os rebotes. Firmaron entre as dúas un total de 14 rebotes. Tampouco quedouse a tras a pivot, Sune Swart. No momento que as súas compañeiras tiraban a canastra, xa estaba atenta para coller o balón e finalizar baixo do aro.
Mais o verdadeiro pesadelo das rivais, era os tiros desde a liña de 6,75 do Baxi. Os triplos entraban como churros. A máis destacada era a capitá Patri Cabrera. Patriple, como a chaman as súas compañeiras e o seu club de fans estaba moi cómoda no tiro. No cal enchufou 24 puntos de 3. Foi a máxima anotadora do conxunto e tamén unha das máis valorada xunto a Macy Miller.
A vitoria deixa as da cidade departamental no fin da primeira volta na terceira posición. A tan só tres puntos do Movistar Estudiantes e dous do Gdko Ibaizabal. A semana que ven, de novo na súa pista, reciben o HGB Ausarta Barakaldo (o sábado 18 de xaneiro, ás 19.00 horas).
FICHA TÉCNICA
BAXI FERROL: Macy Miller, Patri Cabrera, Tamara Kapor, Jenna Allen, Sune Swart —quinteto inicial—, Sonia Bra, Geraldynn Leaupepe, Natalia Rodríguez, Maria Aijanen e Marta Tudanca.
AÑARES RIOJA: Cecilia Mujate, Andela Radovic, Libe Villar, Intza Lizarazu, Alazne Lizundia —quinteto inicial—, Sara Iparragirre e Alaitz Ezama.
ÁRBITROS: Iván Escariz Torres e Daniel López Illán
PARCIAIS: 35-12, 15-17, 27-11, 11-11 (88-51)
