Unha vitoria e unha derrota na Superliga 2 de voleibol. O líder da clasificación, o Arenal Emevé segue na súa liña. Esta vez, gaña ante o cvleganes.com (3-0) na casa. No caso do Autos Cancela Zalaeta, perden na súa visita á comunidade veciña, Asturias.
O Zalaeta perde en Asturias ante o Covadonga
A pesar de ir gañando nos dous primeiros sets, ao conxunto herculino esvarallóuselle a vitoria na comunidade veciña. O RGC Covadonga gañou tralo cambio de tornas na segunda metade por un 3 a 2.
O Zalaeta iniciou a súa andanza en Asturias por diante no marcador. O equipo estivo moi metido no partido nos primeiros sets. Levándose a vitoria por un 22 a 25, no primeiro e no 20-25, no segundo. A partir do terceiro, as asturianas cambiaron o seu xogo e puxéronllo moi difícil as coruñesas.
Esta derrota deixa as nosas galegas na sexta posición da Superliga 2.
FICHA TÉCNICA
RGC COVADONGA: M. Diéguez, L. Pérez, C. González, A. Martín, P. Sánchez, C. Noguero, Á Rodríguez, P. Lorenzana, M. Fernández, S. García, E. Rodríguez, M. Rubiera e P. Blanco.
AUTOS CANCELA ZALAETA: P. Santos, E. Ordoñez, A. Rivas, E. Guzzi, L. Vázquez, C. Figueroa, A. Quirós, S. Suárez, N. Sánchez e C. Vilariño.
SETS: 22-25, 20-25, 25-22, 25-17, 15-9
ÁRBITROS: Bruno Correa de Souza.
Vitoria fulminante en Lugo
O conxunto dirixido por José Valle impúxose na súa cancha ás madrileñas do Leganés por un 3-0 no electrónico.
No primeiro set ambos equipos estiveron moi igualados. No marcador non había moita distancia entre eles pero ao final o equipo lucense levouse o primeiro punto.
A partir de aquí, as tornas cambiaron. As lucenses tiveron todas as cartas o seu favor. Os puntos directos saían sós e sumaron tamén os erros nos saques do CVleganés. A máxima anotadora non quedou nunha única persoa. As xogaroras do Emevé Villasante, Andric e Prol fixeron cada unha 13 puntos.
A nova vitoria volve a deixar soñando nos play offs o equipo da cidade amurallada. Son primeiras con 36 puntos.
FICHA TÉCNICA
ARENAL EMEVÉ: J. Paradela, P. Lorenzo, I. Yañez, L. Villasante, I. Lavado, U. López, M. Rodríguez, S. Urrea, P. Reija, A. Fernández, T. Andric, L. Prol, A. Burgo e L. Figueira.
CVLEGANES.COM: O. Isidro, C. Díaz, L. Rubiera, I. Ferrera, A. Salleras, N. Rodríguez, I. Echevarría, M. Curto, L. Almazán, M. Florez, A. Díaz, N. Essayadi, S. Garcinuño e Sil-Fro.
SETS: 25-20, 25-13, 25-12 (3-0).
ÁRBITROS: José Real.
