O inicio da segunda volta da Primeira División comezaba este fin de semana. O Aceites Abril acadou a súa primeira vitoria do ano na capital. Máis cerca, en Asturias, O CV Bruxas, perde ante o Fertiberia Los Campos.
O Aceites Abril sofre gañando en Alcorcón
O conxunto ourensá, o Aceites Abril, desprazouse ata a capital madrileña para disputar o primeiro partido da segunda volta da competición na que milita. A pesar da vitoria (2-3), o seu rival non llo puxo nada doado pero gañaron
O Aceites Abril comezou dominando ao seu rival. O Alcorcón viuse superado en todo momento por un equipo no que brillaban todas as facetas de xogo. Ademais conseguían con moita facilidade os dous primeiros sets.
A partir desde momento o equipo galego esborrallouse. Os errores no saque foron moi constantes para as de a Cidade de As Burgas. Isto fixo que as locais crecéranse en cada punto e lograran o empate do encontro.
Despois da igualdade a dous sets, o Aceites Abril volveu a tomar a iniciativa do xogo. A veteranía das súas xogadoras fixo que o marcador se decantase polos tres sets a dos para o plantel do Aceites Abril.
FICHA TÉCNICA
PARCIAIS: 17-25/11-25/25-18/25-23/10-15 (2-3)
Derrota do CV Bruxas ante o Fertiberia
O CV Bruxas non tiña que facer unha viaxe tan longa. Xogaba na comunidade veciña, en Asturias, ante o Fertiberia Los Campos. As de Bertamiráns perderon nun encontro no que as asturianas non llo puxeron moi doado.
Durante todo o partido, ambos conxuntos estaban igualados. Mais as pequenas diferenzas marcaron a vitoria das galegas no primeiro set. As locais non querían quedar por detrás e seguiron presionando para intentar empatar o encontro. As santiaguesas desconcentráronse por uns intres e a remontada de o Fertiberia chegou. O que traduciuse nunha derrota na que suman un punto.
FICHA TÉCNICA
PARCIAIS: 19-25/25-23/25-17/25-11 (3-1)
