Gañar é sempre bo, pero seguramente se facemos unha enquisa no vestiario do Ourense Envialia posiblemente moitas dirían que da xornada 14 non se quedan co 1-5 co que se impuxeron ao Sala Zaragoza, por moi bo que sexa o resultado e por moito que as aupe na táboa clasificatoria. O mellor de todo abofé que din que foi o regreso de Sara Moreno á manda destas lobas que querían ter de novo na pista á súa compañeira cordobesa que xa está de volta.
SARA MORENO HA VUELTO!! 😃😃🧡🧡🧡 🔥🔥 @Saryta14 pic.twitter.com/xx84W5yPo2
— Ourense Envialia FSF (@OUenvialiaFSF) January 22, 2022
Sete minutos se levaban de xogo cando María Arias abría o marcador para o Ourense Envialia a pase de Judith. As galegas chegaba a terras mañas dispostas a levarse os puntos en xogo. Ao 0-1 seguiulle en menos de tres minutos o 0-2 que anotaría Jenny Lores cun tiro desde fóra da área.
Antes de chegar á metade do partido, o Sala Zaragoza tiraba partido da súa presión e conseguía reducir distancias para as mañas cun tanto que asinou Carmen Alonso pero do que ten boa culpa Antía e a súa presión sobre as galegas (1-2).
Logo do paso por vestiarios o partido foi un toma e daca de ocasións de ambas as dúas escuadras. Ourensás e zaragozanas quería gañar e estaban vivas no partido. Foi un gol de Chiky no minuto 26 o que desequilibraba un poco o choque cara ao equipo que adestra Gonzalo Iglesias Morenín. O 1-3 xurdía un robou de balón de Jenny Lores que a súa compañeira remataba na frontal da área.
A partir de aí o Ourense Envialia viuse máis seguro. O 1-4 foi de novo obra de Chiky esta vez a pase de Laura Uña no 34. O xogo de cinco do que tiraron as locais foi infructuoso. Non deu máis opcións ao Sala Zaragoza xa que falta de rotacións das mañas non premitían que ese xogo fose o suficientemente intenso. O definitivo 1-5 asinouno Jenny Lores por un rechace dun tiro de Laura Uña.
FICHA TÉCNICA
1) SALA ZARAGOZA: Ana Etayo; Andreza, Rapha Martins, Maite García e Carmen Alonso – quinteto inicial -. Tamén xogaron: Mirian Ruiz e Antía Pérez.
5) OURENSE ENVIALIA: Vane; Chiky, Laura Uña, Judith e Jenny Lores – quinteto inicial -. Tamén xogaron: María, Jenny Lores, Carla, María Arias, Sara Moreno, Chiky, Elisa Robles (porteira suplente) e Robinha.
GOLES: 0-1, min. 7 María. 0-2, min. 10 Jenny Lores. 1-2, min. 20 Carmen Alonso. 1-3, min. 26 Chiky. 1-4, min. 34 Chiky. 1-5, min. 38 Jenny Lores.
ÁRBITROS: Gómez Rojo e Romero Haro. Amosou cartón amarelo a Andreza nas filas do Sala Zaragoza, así como a Judith, Jenny Lores polo Ourense Envialia, na escuadra galega tamén foi amoestado o técnico, Gonzalo Iglesias Morenín.
INCIDENCIAS: Partido correspondente á 14ª xornada da Primeira División do Fútbol Sala Feminino da RFEF disputado no pavillón do Siglo XXI de Zaragoza. Sara Moreno volvía a ter minutos tras meses lesionada.
