As Guerreiras Laranxas reciben mañá o Sala Zaragoza no pavillón de Vista Alegre ás 18:30, no partido correspondete á xornada 23. O Burela terá o propósito de recuperar a senda triunfal para seguir custodiando a segunda praza (59 puntos) da elite, tras o empate da pasada semana en Roldán.
A bomboneira sumarase ao 8M
Vista Alegre sumarase aos actos do Día Internacional da Muller co apoio das Guerreiras, as mañas e a colaboración de Galegas 8M, facendo un chamamento para a manifestación do domingo en Foz (12.00 horas, desde A Rapadoira).
“Fixemos bo partido pero estrelámonos ante unha Etayo moi acertada. Saímos con boas sensacións de xogo e tamén por rescatar un punto nos últimos segundos”, lembraba Cilene, autora do empate 2-2 en terras murcianas a 40 segundos para a bucina final, e confiando na preparación para quedar cos tres puntos: “É unha semana distinta; estamos traballando ben e creo que imos facer un bo partido o sábado. Seguramente teñamos algunha incorporación, pero tamén algunha baixa”.
Cilene, xogadora do Pescados Rubén Burela: “Fixemos bo partido pero estrelámonos ante unha Etayo moi acertada. Saímos con boas sensacións de xogo e tamén por rescatar un punto nos últimos segundos”.
Na primeira volta, o Pescados Rubén Burela impúxose 1-3 a un rival que agora chega na décima praza. “Zaragoza ten bo equipo, cun xogo directo eficaz, pero é algo irregular. Fóra non ten tan bos resultados e nós temos que aproveitar iso”, analizaba a 6 laranxa dun equipo que recolleu a domicilio 10 dos seus 29 puntos.
Cilene, xogadora do Pescados Rubén Burela: “Zaragoza ten bo equipo, cun xogo directo eficaz, pero é algo irregular. Fóra non ten tan bos resultados e nós temos que aproveitar iso”.
Ás baixas de Ana Romero, Cami e Jane, súmase Jenny Lores, por un golpe nun xeonllo que xa obrigou á xogadora a retirarse de Roldán a semana pasada. Dany e Bea Mateos serán dúbida.
Derbis no podio
Os outros dous protagonistas do podio disputarán esta fin de semana xornada de derbis. Desde a primeira praza e con 66 puntos, o Futsi Atlético Navalcarnero medirase ao Leganés Masdeporte, duodécimo (18 puntos). Máis competitivo presáxiase o duelo galego que o madrileño, ondeo o Ourense Envialia, terceiro con 56 puntos, recibirá o Poio Pescamar FSF, quinto (38 puntos).
Convocatoria provisional Pescados Rubén Burela FS: 1. Jozi, 3. Dany, 4. Cris, 5. Cristina, 6. Cilene, 7. Peque, 9. Jenny, 10. Lara Balseiro, 13. Lucía Paz, 14. Bea Mateos, 17. Ale de Paz, 19. Luci.
🗣️ Previa | Este sábado la escuadra naranja de Julio y Lucas reciben al @SalaZaragoza a las 18.30 horas en la previa del #8deMarzo, y así ve el encuentro @cilenefutsal06.
📝 https://t.co/qlHAllsY0e#Burela #Futsal #OrgulloLaranxa #DíaInternacionalDeLaMujer #FutsalHeart🧡 pic.twitter.com/i3M7vx7nJM
— Pescados Rubén Burela FS (@burelafs) March 6, 2020
