O segundo partido fóra da casa do CV Autos Cancela Zalaeta leva ás galegas a visita a cancha do CV Torrejón. O cruce, pertencente á 9ª xornada da SLF2 de volei, xógase ás 19:30 horas no pavillón municipal PM. José Antonio Paraiso Torrejón.
📢 Este sábado el Club Voleibol Zalaeta nos visita en casa, no te lo pierdas!!! @CVbTorrejon
🆚@CVZalaeta
⏰ 19:30h
🏟️ Polideportivo José Antonio Paraiso, Torrejón de Ardoz.@sonoclinic @BodyFactory_ES @PorcelHoteles @TorrejonDxte pic.twitter.com/n7VYw7Af21— ClubVoleibolTorrejon (@CVbTorrejon) December 1, 2022
Logo de perder na casa 1-3 diante do líder, Extremadura Arroyo, na sétima xornada, o CV Autos Cancela Zalaeta non volveu xogar na casa. O desta semana, na novena xornada de competición na Superliga Femenina 2 de volei, será o seu segundo partido lonxe da Coruña e da pista do Barrio das Flores. O anterior choque gañárono por 1-3. Tiveron como rival ao Volei Torrelavega (9º). Esta semana parten da Coruña coa mesma intención para medir forzas co CV Torrejón.
O CV Autos Cancela Zalaeta é quinto clasificado con 15 puntos. Sitúanse xusto por encima das súas rivais do CV Torrejón que teñen un punto menos ca elas.
O CV Torrejón perdía a pasada semana 3-0 co Fedes Ascensores La Laguna, mentres que o CV Autos Cancela Zalaeta chega a esta 9ª xornada logo de vencer a domicilio ao Torrelavega por 1-3 (25-27, 25-17, 12-25 e 17-25).
Entre as xogadoras que adestra Jorge Barrero será baixa Emma Ordóñez.
SF2 🏐
Segunda viaxe consecutiva das de Jorge Barrero 🚍Desta vez, as nosas desprázanse a Madrid para enfrontarse ao @CVbTorrejon 💪🏼
🗓️ 03/12/2022
🏟️ Pabellón Jose Antonio Paraiso
⏰ 19:00
🆚 @CVbTorrejonA darlle caña! 🔥 pic.twitter.com/qDfaKsec2l
— Voleibol Zalaeta (@CVZalaeta) November 30, 2022
No resto da xornada, o líder invicto, Extremadura Arroyo pon en xogo a súa condición visitando as debutantes do CV Oviedo, que buscarán regresar ás vitorias.
Haberá un duelo de perseguidores entre Fedes Ascensores La Laguna e cvleganes.com nun choque que deixará ao perdedor sen opcións de alcanzar o torneo do KO.
Santa Cruz Cuesta Piedra pechará a xornada na pista do pechacancelas Voley Sanse Live Vuvuzela, nunha fin de semana que se completa con tres igualados choques entre RGC Covadonga e Voley Torrelavega, CV Almendralejo Extremadura ante un VP Madrid que buscará sumar o seu segundo triunfo consecutivo e, por último o cruce do CV Torrejón e o anfitrión de Copa da Princesa, o CV Autos Cancela Zalaeta.
