- Esta fin de semana o Pescados Rubén Burela viaxa a Murcia nun dos partidos máis importantes da tempada. Xogará co LBTL Futsal Alcantarilla buscando achetarse ao Poio Pescamar e Futsi Atlético Navalcarnero nesta recta final da competición regular en Liga.
Nos últimos encontros da Liga Regular de Primera Federación de Futsal Feminino, enfrontaranse nesta xornada 28 o LBTL Futsal Alcantarilla e ao Pescados Rubén Burela FS, no Pavillón Fausto Vicent de Alcantarilla (Murcia), este sábado ás 18.00 horas.
Ver esta publicación en Instagram
O equipo burelés encóntrase en terceira posición na clasificación, a 4 puntos do Poio Pescamar, que xoga esta fin de semana un duro partido contra o Torreblanca Melilla, e a 5 do Futsi, que este sábado tamén espera un disputado partido contra o Móstoles. Á súa vez o Alcantarilla, nos postos medios da táboa, vai ser un rival difícil, cunha cancha complicada onde as recén Campionas da Copa da Raíña van loitar por eses tres puntos tan necesarios para chegar ao playoff nas mellores condicións.
Na opinión de Jenny: “O Alcantarilla está facendo unha boa tempada. Está en sétimo lugar, creo que está moi ben para un equipo que ven de Segunda e todo o van facer para gañar os tres puntos na casa”. Tamén engade a futbolista do Pescados Rubén Burela FS: “As claves, a máis importante a máxima concentración, cometer os mínimos erros posibles. O partido de Alcantarilla na súa casa vai ser moi complexo. Xa o último partido que fixemos alí, que foi para a Copa da Raíña, foi moi difícil, así que temos que estar concentradas e facer o máximo posible para traer os tres puntos á casa”.