A vixésima xornada da Primera Federación FutFem leva ao Dépor ABANCA a visitar ao SE AEM hoxe sábado 11 de febreiro a partir das 12:00 horas. Na cancha do Municipal de Recasens (Lleida) a adestradora branquiazul, Irene Ferreras, propón que as galegas miren de facer “un partido moi serio e mellorar cousas para poder traernos os tres puntos”. O cruce poderase ver a través de FCF.tv.
A esta nova xornada da Primera Federación do Futfem da RFEF o Dépor ABANCA Chega en segunda posición logo de ter perdido pola mínima ante a SD Eibar (1-0). Lidera a clasificación na categoría de prata o FC Barcelona B (que é filial e non pode ascender). O último rival do Dépor ABANCA é terceiro e o CP Cacereño Femenino está colocado na cuarta praza da táboa. Todos nun pano e á procura do primeiro lugar que dá acceso ao ascenso directo.
O rival das deportivistas, o SE AEM, recibe ás galegas logo de perder na cancha de Lezama ante o Athletic Club B. Como as galegas, as catalanas perderon pola mínima (1-0). O conxunto de Lleida está na sétima posición na clasificación con 30 puntos.
O SE AEM, un rival ao que custou marcarlle en Abegondo
Mirando aos precedentes deste choque, na primeira desta tempada 2022-23, o cruce entre Dépor ABANCA e SE AEM resolveuse en Abegondo unha vitoria por 1-0 das coruñesas con gol de Sara Navarro que chegaría no tempo engadido. Se ademais pensamos que o SE AEM non ten malos resultados como equipo local, haberá que estar moi atentas e aplicarse para traer para Galicia os tres puntos en xogo nesta 20ª xornada. De feito, Irene Ferreras lembrou na rolda de prensa previa ao partido de hoxe que o encontro “contra elas aquí en Abegondo foi a nivel de xogo dos mellores que fixemos, aínda que nos custou ver porta”.
Iso si, advertiu que mañá “nos imos a atopar un contexto moi diferente por condicións do campo, porque animicamente é un equipo que está a tentar, a pesar de levar dúas derrotas nas últimas dúas xornadas, reengancharse aos postos de play-off. Ten capacidade para iso e está a traballar moi ben”.
Dixo Irene Ferreras sobre o SE AEM que é un equipo que “compite moi ben, é un equipo moi veterano, que destaca pola súa ameaza en transicións ofensivas, contraataca moi ben e ten moita pegada”.
No Municipal de Recasens, esta temporada, o SE AEM móstrase fiable: gañou ao Real Oviedo (3-0), Granada CF (1-0), Athletic Club B (2-0), FC Barcelona B (2-0), UDG Tenerife B (4-0), Córdoba CF (3-1) e CD Juan Grande Ginelux (2-0); e caeu co DUX Logroño (1-2), CDF Osasuna (1-5) e Rayo Vallecano (0-1).
Baixas do Dépor ABANCA
Coas baixas por lesión de Paula Gutiérrez, Carlota Suárez e Aroa Guerra, As Nosas realizaron unha última sesión de adestramento no propio escenario do choque, co que puxeron así o punto e final a unha maratoniana xornada, previamente con voo desde A Coruña a Barcelona e desprazamento por estrada a Lleida.
Esta é a convocatoria de Irene Ferreras para este partido:
O club catalán anunciaba estos días a incorporación da xogadora nipona Kira Chinatsu, centrocampista, así como a lateral asturiana Gema Ginés, que chega cedida da SD Eibar ata fin de tempada. Hai unhas semanas chegaba tamén a estremo dereita Nerea Sánchez Ruiz desde o Villareal. As tres están ás ordes de Rubén López.
#primerequip | Fitxatge🐬⚽
La SE AEM incorpora a la jugadora japonesa Kira Chinatsu.
La migcampista, de 31 anys, aportarà qualitat en la circulació de pilota i arribada de 2a línea. Podent actuar en diferents posicions de la parcela ofensiva.
Benvinguda Kira! pic.twitter.com/olYR30lQ4O
— Secció Esportiva AEM (@SEAEM_1925) February 10, 2023
A convocatoria do técnico da SE AEM, Rubén López, para recibir ao Dépor ABANCA foi a seguinte:
Ver esta publicación en Instagram
Irene Ferreras: “O SE AEM mellorou moito, compite e contraataca moi ben e ten pegada”
