A alero de Porriño, Violeta Crespo, cumprirá a súa cuarta tempada no CB Arxil onde seguirá mantendo licenza no filial verde Arxil Mafari Café e adestrará habitualmente co primeiro equipo que milita na Liga Femenina 2.
A tempada pasada Violeta Crespo comezou con forza pero unha inoportina lesión fíxolle non seguir a progresión esperada- Con esta tempada nova espérase que Violeta Crespo sexa unha das xogadoras decisivas e no Mafari Café e achegue o seu granito de area no conxunto da LF2.
Violeta Crespo destaca pola súa boa técnica individual, a súa capacidade de rebote, a súa intensidade defensiva e en ataque polo seu bo un contra un e, sobre todo, polo seu tiro exterior. A alero galega ten aínda moito que traballar, pero parte con vantaxe, xa que xa está moi integrada no club Lino Vázquez, que foi adestrador da deportista a pasada tempada no Mafari Café.
Lino Vázquez sinalou sobre Violeta Crespo que “é un bo reflexo de como se traballa no CB Arxil. Creo que vai seguir crecendo moito e nun plantel tan novo será unha máis. Aínda que non será fácil, a súa capacidade de traballo poñerallo máis fácil”
Que supón para ti xogar a unha cuarta tempada no CB Arxil?
Collo esta tempada con especial ilusión, xa que empezo o meu último ano de carreira e emocióname ver como os meus estudos e o CB Arxil foron da man desde que cheguei a Pontevedra.
Que esperas desta tempada?
Conseguir os obxectivos, traballar duro día a día e sobre todo gozar cada adestro e cada partido. Espero tamén que sexa máis fácil para todas, xa que a situación sanitaria ten mellorado moito e é algo que este último ano pesounos moito á hora de facer plans fóra da pista.
Que lle dirías á afección?
Que nos sigan acompañando como ata o de agora, que cada sábado déixense a garganta como sempre fan e que son unha parte importantísima para conseguir cada vitoria.
