Noelia Villegas foi a última xogadora en asinar a súa renovación co Dépor de cara as dúas vindeiras tempadas. A entidade herculina terá que reinventarse a tempada que vén e, por iso, o equipo revelación da Liga leva varios meses movendo ficha de cara o futuro sobre todo cando futbolistas como a porteira Misa, María Méndez ou Tere Abelleira parece que teñen o futuro lonxe de Abegondo.
Ainda así, desde o conxunto deportivista conseguiron a renovación de pezas importantes no plantel como a gardamallas, Esther Sullastres, Athenea del Castillo ou a propia Noelia Villegas. A central gaditana recoñeceu hoxe en rolda de prensa virtual que está convencida de que o proxecto do curso que vén tamén será ambicioso e interesante: “É verdade que é tempo de movemento, de xente que se vai e outra que se queda. É normal que despois da gran tempada que fixemos algunha xogadora poida que se vaia. Eu estou tranquila porque hai unha base que si quedará e seguiremos sendo nós mesmas. Confío no que se fiche e que as xogadoras que veñan podan aportar”.
Noelia Villegas, xogadora do Dépor: “Evidente que despois da gran tempada que fixemos algunha xogadora poida que se vaia. Eu estou tranquila porque hai unha base que si quedará e seguiremos sendo nós mesmas”.
A 20 contou con bastantes minutos esta tempada, tanto no centro da zaga como no lateral esquerdo e recoñeceu que “ata o momento estou a gozar moitísimo no Dépor. Polas miñas compañeiras, o apoio do club, da afección… é algo incrible. Quería seguir no club e o club estaba contento co meu rendemento. O interese xurdiu pronto e foi por ambas as partes. Arranxouse pronto e estou con moitísima ilusión”.
Noelia Villegas, xogadora do Dépor: “Estou a gozar moitísimo no Dépor. Polas miñas compañeiras, o apoio do club, da afección… é algo incrible. Eu quería seguir e o club estaba contento co meu rendemento. Arranxouse pronto e estou con moitísima ilusión”.
“Si é verdade que se fai factible para eles tamén nós poderiamos continuar a Liga”
Nas últimas horas, desde a Liga de Fútbol Profesional (LFP) elaboraron un protocolo para evitar contaxios entre os xogadores e os corpos técnicos. No caso das ligas femininas parece que é diferente. Todo apunta, a falta de confirmación oficial, que as xornadas que quedan suspenderanse.
Noelia mostrou a súa compresión ante que o fútbol agora non é o importante, que o prioritario é a saúde, pero avogou que se tenta unha reanudación na competición masculina, tamén poderían facer o propio coa feminina: “Non se se realmente estase agora mesmo preparado para continuar a competición pero si é verdade que se se fai factible para eles tamén nós poderiamos continuala”.
Noelia Villegas, xogadora do Dépor: “Non se se realmente estase agora mesmo preparado para continuar a competición pero si é verdade que se se fai factible para eles tamén nós poderiamos continuala”.
A futbolista gaditana pasa este tempo de confinamento acompañado da súa familia e comenta que “o non poder saír de casa é difícil. Eu téntome quedar coas cousas positivas. Aproveito para estar coa miña nai e a miña irmá, que desde os 15 anos saín de casa. Intento non pensar e que se me faga o tempo en casa o máis fácil posible”.
Noelia Villegas, xogadora do Dépor: “O non poder saír de casa é difícil. Eu téntome quedar coas cousas positivas. Aproveito para estar coa miña nai e a miña irmá, xa que levo fora da casa desde os 15 anos”.
Villegas é clara ao respecto de terminar a tempada e mostrouse apenada porque estaban nun gran momento e complentando unha gran campaña pero todo pasa a un segundo plano cando se fala de saúde: “Todas queriamos terminar, pero o importante é a saúde. Agora parece que todo vai mellor, pero non creo que agora mesmo sexa un bo momento para continuar. Dá pena porque estabamos moi ben, estaba a ser unha tempada moi boa e ilusionante”.
Noelia Villegas, xogadora do Dépor: “Todas queriamos terminar, pero o importante é a saúde. Agora parece que todo vai mellor, pero non creo que agora mesmo sexa un bo momento para continuar”.
