- A V Edición da Summer BAG Experience, os días 25 e 26 de agosto, mantén o club invitado, que este ano será o Rocasa Gran Canaria, a cita celebrarase en Villacelama de xeito permanente
- O Mecalia Atlético Guardés medirase xustamente contra o conxunto grancanario o venres 25 de agosto, ás 20:30 horas.
A Summer BAG Experience estrea nesta 2023 sede permanente: Villacelama (León). Os tres clubs que crearon este torneo de verán (Balonmano Bera Bera, Balonmano Aula Valladolid e Atlético Guardés) chegaron a un acordo para que a localidade leonesa acolla cada ano o torneo máis prestixioso da pretemporada da Liga Guerreras Iberdrola.
Os tres presidentes dos equipos agradecen á Xunta Veciñal de Villacelama a súa disposición para converterse en sede permanente e que poida converter este torneo nun dos grandes clásicos do verán do balonmán. Para iso, subscribiuse un acordo entre a Xunta Veciñal e os clubs de Liga Guerreras Iberdrola dando un impulso definitivo á Summer BAG.
Unha das principais novidades nesta V Edición da Summer BAG Experience é que se xogará o venres 25 e o sábado 26 de agosto. Para edicións posteriores, fixaranse como datas preferentes a terceira semana do mes de agosto, venres e sábado da mesma.
Nesta edición de 2023, o torneo mantén o club invitado, que nesta ocasión será o Rocasa Gran Canaria.
Xa se sortearon os enfrontamentos do torneo. O Mecalia Atlético Guardés medirase contra o Rocasa Gran Canaria o venres 25, ás 20:30. Previamente, ás 18:30 horas, o Caja Rural Aula Valladolid se enfrentará al Super Amara Bera Bera. Ao día seguinte, o sábado 26, disputarase o terceiro e cuarto posto.
A Summer BAG Experience, un clásico do balonmán en verán
Este torneo estival naceu en 2018 impulsado polo Super Amara Bera Bera, o Caja Rural Aula de Valladolid e o Mecalia Atlético Guardés. De aí o seu nome, que non deixa de ser un acrónimo coas iniciais dos tres clubs.
A primeira edición, en 2018, tivo lugar na Guarda, co Bera Bera como primeiro gañador. A segunda, ao ano seguinte, en Donosti, repetiu o cadro vasco, que ademais exerceu de anfitrión. E tras a pausa de 2020 pola pandemia, volveu para celebrar a súa terceira edición en Valladolid. De novo, o equipo local fixo valer a súa condición para levar a vitoria final.
Os tres clubs impulsores participan sempre e o cartel complétase cun invitado. A pasada edición foi, por primeira vez, un conxunto de fóra do país: o Benfica portugués. Este ano, o equipo volve ser español: será a quenda do Rocasa Gran Canaria.
Este é o calendario do Summer BAG 2023
Venres, 25 de agosto | Semifinais
- 18:30 | Caja Rural Aula Valladolid – Super Amara Bera Bera.
- 20:30 | Mecalia Atlético Guardés – Rocasa Gran Canaria.
Sábado, 26 de agosto | Finais
- Terceiro e cuarto posto, cos perdedores das semifinais.
- Final, cos gañadores das semifinais.
☀️ Verán + balonmán = Summer BAG Experience 2023
📆 25 e 26 de agosto
📍Villacelama, León
🤝🏼 @BmAulaCultural @BalonmaBeraBera
🇮🇨 Club invitado: @BMRemudas pic.twitter.com/onEjNsQB4N— Mecalia Atlético Guardés (@Atlguardes_ofic) July 5, 2023
