Jorge Vilda volveu a esquecerse de mirar cara ao fútbol galego. A gran tempada do conxunto herculino pasou desapercibida para un Vilda que non conta nin con ningunha xogadora deportivista nin con galegas como Vero ou Mari Paz (a dianteira do conxunto che, vén de acadar un récord histórico tras superar a Kempes e Villa como máxima goleadora da historia do Valencia).
O Deportivo ABANCA está a completar unha gran tempada no seu debut na máxima categoría. Cuartas na clasificación e en oitavos da Copa da Raíña, pero para Jorge Vilda parece que non é suficiente. As pupilas de Manu Sánchez están a demostrar un gran xogo e é recurrente que cada adestrador que pasa por Abegondo eloxie a labor e o xogo das galegas.
14 Pekegoles e unha dupla letal que non recibe a chamada de Vilda
Peke é a terceira máxima goleadora do campionato doméstico e está de doce sumando 10 goles no que vai de febreiro. Póker no torneo do K.O. fronte ao Valencia e sendos hat tricks contra Real Sociedad e Sporting de Huelva.
Athenea del Castillo tamén está a facer méritos para vestir a roja. Xunto á vasca, forma a dupla máis letal da Liga Iberdrola. Tras a convocatoria desta mañá, ningunha das dúas tiveron a recompensa merecida ao gran traballo e ao rendemento demostrado.
Vilda tampouco está a ter ollos para unha Tere Abelleira que é a terceira mellor asistente da Liga sumando 6 balóns de gol no que vai de tempada. Seis caramelos que tanto Athenea como Peke non están a desperdiciar. A pontevedresa está deixando unha gran impresión no seu debut na máxima categoría e demostra a súa calidade cada fin de semana.
Canos, regates e comandar o centro do campo do cuarto clasificado da Liga Iberdrola parece non ser un aval suficiente para as pretencións do seleccionador español. Ademais, é habitual que a 3 porte o brazalete de capitá con tan só 20 anos.
Sen recompensa para o fútbol galego, Vilda volveu a facer unha convocatoria no que as xogadoras concentraranse en Madrid este próximo domingo, 1 de marzo, e a Selección española viaxará a Orlando ao día seguinte para xogar os seguintes partidos:
| PARTIDO | SEDE | FECHA | HORA |
| ESPAÑA – JAPÓN | EXPLORIA STADIUM (ORLANDO) | XOVES 5 DE MARZO | 16:15 (HORA LOCAL) |
| ESTADOS UNIDOS – ESPAÑA | RED BULL ARENA (NUEVA JERSEY) | DOMINGO 8 DE MARZO | 17:00 (HORA LOCAL) |
| INGLATERRA – ESPAÑA | TOYOTA STADIUM (TEXAS) | MÉRCORES 11 DE MARZO | 16:15 (HORA LOCAL) |
ARTIGO DE OPINIÓN
O que non explica o fútbol, fano os números
As redes sociais futbolísticas bulían cun cancelo repetido desde terras galegas: #PekeSelección. O fútbol ten cousas que ninguén pode explicar. Isto vai de pel, de 22 xogadoras deixandose a vida sobre o verde. O fútbol vai de sentimentos, pero tamén vai de números. A menudo guíamonos por sensacións, pero os datos, non enganan.
