A selección española xa conta con lista de convocadas para os encontros fronte a Moldavia e Polonia. Entre as 23 elixidas, está a galega Tere Abelleira, ex do Dépor ABANCA e xogadora actual do Real Madrid.
O adestrador, Jorge Vilda, non conta desta vez coas branquiazuis Peke nin Athenea, pero sí convocou á exdeportivista Misa para ser unha das porteiras do conxunto vermello.
O primeiro partido da selección disputarase o próximo venres, 27 de novembro, ás 21:00 horas contra Moldavia, nun encontro disputado na Ciudad del Fútbol de Las Rozas. A seguinte cita será contra o combinado polaco, o 1 de decembro ás 21:00 horas nas mesmas instalacións deportivas.
