“A xogadora internacional ucraína Viktoriia Hiryn coñecida futbolísticamente como Vika (Novoukrainka, Volynska, Ucraína, 24 de novembro de 2000) incorpórase hoxe, 19 de marzo, ao Dépor ABANCA até final de temporada após ter que deixar o seu país pola invasión militar sufrida”, segundo informa o club coruñés.
Trátase dunha futbolista que xoga como extremo e que é ambidestra. Vika militaba no Ladomyr Volyn da súa rexión natal en Ucraína, desde onde chegou á Coruña onte á noite antes de coñecer ás súas novas compañeiras esta mañá na previa do partido en Abegondo ante o CDE Racing Féminas.
“Ademais de xogar na selección do seu país, dirixida polo español Lluis Cortés, tamén xogaba até hai pouco tempo a fútbol sala antes de centrar a súa carreira no fútbol 11, unha carreira e vida persoal que poderá seguir desenvolvendo nos próximos meses na nosa cidade xunto ao resto de As Nosas“, explican desde o RC Deportivo.
