O Victoria CF cumpre o seu obxectivo e disputará o play-off de ascenso a Reto Iberdrola. As cebras finalizan a segunda fase da Primera Nacional como campioas do grupo 1C tras a vitoria acadada na última xornada ante o CDE Racing Féminas B cun 0-1 final.
‼️ Ao playoff de ascenso ⚽#GoCebras
O @VictoriaCF1943 gaña ao Racing Feminas (0-1) e loitará por subir de categoría 👏👏💪
💥 E así se celebra 🔝
🎥 Facebook do @RacingFemenino pic.twitter.com/4AeamzfXTB— A Coruña Deportes (@coruna_deportes) May 30, 2021
Malia ser o favorito para pasar á fase de ascenso, as futbolistas dirixidas por Cris Oreiro déronno todo no céspede cántabro. Dominando os tempos e sendo superiores a balón parado, as coruñesas lograron impoñerse no derradeiro partido.
O Victoria celebra con vitoria o pase ao play-off
Co seu futuro en xogo, as galegas tomaron o control do encontro desde os primeiros minutos malia xogar a domicilio. As xogadas de profundidade non saían como estaban plantexadas, polo que as coruñesas optaron polos disparos longos.
As ofensivas eran moi superiores desde o bando visitante, mentres que as locais conformábanse con aguantar o ritmo. Os intentos do Victoria por anotar non terminaban de completarse, ata que as de Oreiro puxéronno todo no balón parado.
O gol, obra de Charín, chegaría no minuto 34. A futbolista aproveito o saque de esquina de Bita para rematar fronte a portería e poñer o 0-1 no marcador.
Na segunda metade o guion do partido mantívose de maneira similar, cun cadro galego superior, pero tendo que materse alerta ante os intentos do Racing de puntuar.
O maior susto para as cebras chegou no minuto 71, tamén cunha xogada a balón parado, pero desta vez a favor das cántabras. As xogadoras locais tiveron a oportunidade de anotar, pero Álvaro impediu que o gol subira ao electrónico en dúas ocasións.
No tramo final do partido, a tensión era máxima malia a vitoria visitante. As coruñesas rozaban a clasificación para o play off, e por iso seguiron loitando cada balón ata os intres finais. Co pitido final a felicidade estalou no banco do Victoria, que celebrara o ansiado pase para a loita polo ascenso.
Podes revivir neste vídeo o último encontro do Victoria CF na segunda fase da Primera Nacional.
O Viajes Interrías e o Dépor ABANCA B seguirán competindo na Primera Nacional
Outros dous equipos galegos competiron esta segunda fase no grupo polo ascenso. O Viajes Interrías e o Dépor ABANCA B foron dous dos participantes do grupo 1C.
O primeiro deles estivo tamén preto de pasar ao play off, pero finalmente debe conformarse coa segunda posición. As xogadoras de Luís Treviño empataron na última xornada ante o Real Oviedo Femenino B e sumaron finalmente 48 puntos e un coeficiente de 2,181, moi preto das cebras, cun 2,318.
Pola súa parte, o Dépor ABANCA B xogou este tramo final sen nada en xogo, ao non ter opcións de colarse no play off. As branquiazuis venceron na última fin de semana ao Gijón FF e rematan a tempada como quintas, con 38 puntos e un coeficiente de 1,727.
