Xornada no que tanto Victoria FC como Victoria CF acadaron puntos moi valiosos para os seus obxectivos. As santiaguesas fixeron bo o punto (2-2) no Carlos Alonso “Santillana” tras anotar no derradeiro minuto de partido. As cebras deixaron os tres puntos na casa ante o Umia (2-1), que chegaba con entrenador novo (Edu González) debido á destitución de Tino Buján durante esta semana.
Un punto que vale ouro no 93′
O Victoria FC de Santiago de Compostela sacou un gran punto do Carlos Alonso “Santillana” tras ir perdendo por 2-0 ata o minuto 57′. As galegas arañaron un empate da súa visita ó CD Oceja (2-2) que lle permite manterse na terceira posición da clasificación na 1.ª Nacional Femenina ó aproveitar a derrota do Deportivo B ante o Oviedo Moderno B (agora cuarto) por 3-1 nunha xornada no que tamén cedeu puntos ó líder Viajes Interrías ante o Sporting B (2-2).
O encontro disputado en Santillana del Mar resultou tan complicado como apuntaba na previa ó adestrador santiagués Chivi García, que unha semana máis afrontou a cita coas baixas de Carmen, Carlita, Choren e Noelia Moure.
Unha mala saída, con erros moi graves nos primeiros minutos, obrigou ó cadro ‘rojillo’ á remontada pois abriu o marcador o Oceja no minuto 2 cun tanto de Soraya. Apenas 19 minutos despois, o Victoria FC recibiu un segundo castigo ó aproveitar Sofía unha pena máxima (2-0, min. 31). “Este resultado puxo moi costa arriba ó encontro e derivou nun tramo de moita ansiedade, precipitación e malas decisións das nosas xogadoras que non foron quen de manexar ós tempos do partido”, analiza o técnico compostelán.
Chivi García, adestrador do Victoria FC: “O 2-0 puxo moi costa arriba ó encontro e derivou nun tramo de moita ansiedade, precipitación e malas decisións das nosas xogadoras que non foron quen de manexar ós tempos do partido”.
O paso polos vestiarios fixo reaccionar ó cadro santiagués que amosou unha faciana moi diferente. As galegas sacaron a garra e viuse que o plantel quería loitar ata o final. Sen balón roubaba moi rápido e con balón xeraba moitas ocasións, ainda que non tiñan o premio do gol.
Houbo que agardar ata o minuto 59 para que, tras un córner, Marta lograse batir á meta do Oceja cun gran remate de cabeza. Non se conformou o cadro visitante e xa no tempo de engadido, Inés Villanueva, nun lanzamento de falta lonxano, empataba un encontro que se puxera tan costa arriba nos primeiros 45 minutos.
“Non puidemos recortarlle puntos ó líder que segue a 8 antes da próxima xornada, cando o recibimos no noso campo de Santa Isabel, pero sí ó Dépor, que cae á quinta posición cun Oviedo que nos iguala a puntos. A Liga ponse moi interesante”, resume Chivi García.
Chivi García, adestrador do Victoria FC: “Non puidemos recortarlle puntos ó líder que segue a 8 antes da próxima xornada, cando o recibimos no noso campo de Santa Isabel, pero sí ó Dépor, que cae á quinta posición cun Oviedo que nos iguala a puntos. A Liga ponse moi interesante”.
As cebras seguen no bo camiño
O duelo galego comezaba cun Victoria CF un tanto atascado e un Umia que non quería conceder espazos para minimizar erros. Pouco máis pasaría nos primeiros 45 minutos, no que ambos equipos non xeraron claras ocasións de gol e partido transcurría nun intercambio de golpes no que as de Toño e Edu se mediron as forzas.
Toño, adestrador do Victoria CF: “Controlamos o partido de principio a fin. Na primeira parte estivemos un pouco atascadas pero na segunda parte fixemos un par de axustes e estivemos máis cómodas”.
Debutaba Edu González no banco do Umia e quixo poñer o seu selo ao equipo tras o tempo de lecer. Movía a pizarra para poñer unha defensa de tres para reforzar a zaga e buscar espazos polas bandas. Toño reaccionaría e pasaría a xogar con tres dianteiras para contrarestar o movemento de pezas.
Na segunda metade chegaría os tres tantos. O primeiro das locais, obra de María Sánchez no minuto 63′. Rosario faría o segundo para as cebras no 80′. Gol que fixo que as herculinas se relaxaran e xa nos últimos intres de encontro Antía faría o gol de consolación para o Umia. Tras o pitido final, Toño mostrouse moi contento polos tres puntos pero declarou que tiña “un sabor agridoce porque non puidemos manter a portería a cero”.
Toño, adestrador do Victoria CF: “Quédanos un sabor agridoce porque non puidemos manter a portería a cero. Estou moi contento porque vexo ao equipo con moita estabilidade e estase mantendo firme ás ideas que se adestran. Este é o camiño a seguir.
Tras esta vitoria, o Victoria CF (9º) suma 22 puntos e deixa a nove os postos de descenso. Lugar que ocupa o Umia (12º) con 13 puntos.
