Tras dúas semanas de parón, regresa a competición na 1.ª Nacional Femenina cun duelo galego de máxima emoción e intensidade na zona alta entre o Viajes Interrías Fútbol Femenino (líder con 42 puntos) e o Victoria FC (terceiro con 34). O campo Municipal de Santa Isabel será o escenario este domingo, a partir das 16.00 horas, dun partido no que o conxunto rojillo buscará dar un golpe na mesa e amosar calidade e bo xogo ante un dos mellores rivais da categoría.
O adestrador santiagués Chivi García, nomeado fai unha semana mellor adestrador do ano na Gala do Deporte Santiagués, aproveitou o descanso para recuperar ás xogadoras lesionadas e só contará para esta 18.ª xornada coa baixa de Carlita, que continúa a recuperarse da lesión nun pé.
A cita do domingo pon fronte a fronte a dous conxuntos que non comezaron ben este ano 2020. O Victoria FC encadea unha derrota, dous empates e dous triunfos (sumou 8 puntos dos 15 posibles) mentres que o cadro de Villalonga encadeou dúas vitorias e tres empates (9 puntos).
O técnico do Viajes Interrías, Luis Treviño falou do potencial do seu rival do domingo: “Afrontamos un partido contra un grandísimo equipo. É un dos clásicos da Liga Nacional e está a facer unha gran campaña”.
Luis Treviño, adestrador do Viajes Interrías: “Afrontamos un partido contra un grandísimo equipo. É un dos clásicos da Liga Nacional e está a facer unha gran campaña”.
“É evidente que o inicio da segunda volta da competición non foi demasiado bo. Estas semanas de parón servíronnos para recargar pilas e traballar, así que confiamos nun cambio de cara á parte decisiva da tempada”, afirma Chivi García. “O Viajes Interrías tampouco comezou do mellor xeito. O feito de perder varios puntos leva a pensar que xa non estamos ante ese rival que se amosou intratable durante o primeiro tramo da Liga”, engade o técnico santiagués que recorda as 10 vitorias consecutivas das do Salnés nas primeiras 10 xornadas de Liga.
Chivi García, adestrador do Victoria FC: “É evidente que o inicio da segunda volta da competición non foi demasiado bo. Estas semanas de parón servíronnos para recargar pilas e traballar, así que confiamos nun cambio de cara á parte decisiva da tempada”.
O mister santiagués non se fía do líder da categoría e engade que o Interrías “segue a ser un rival con xogadoras moi fortes e físicas. Mantén unha presión moi alta durante todo o partido e son moi perigosas a balón parado”, descríbeas Chivi García. Ten claro o técnico rojillo que “a clave do partido podería estar na posesión do balón”. “Sufrimos moito cando non o temos, así que se logramos telo en Santa Isabel e gañar as disputas, teríamos moitas opcións de sacar un gran resultado e poñer a Liga máis interesante se cabe”, suliña.
Chivi García, adestrador do Victoria FC: “A clave do partido podería estar na posesión do balón. Sufrimos moito cando non o temos, así que se logramos telo en Santa Isabel e gañar as disputas, teríamos moitas opcións de sacar un gran resultado”.
“Pero pase o que pase non creo que este partido sexa definitivo tendo en conta os resultados desta segunda volta, pero si moi importante para saber cal é o noso sitio, se competimos por manter esta terceira praza de aquí ó final da tempada, ou aspiramos a meternos de cheo na loita pola Liga”, destaca Chivi.
Chivi García, adestrador do Victoria FC: “Pero pase o que pase non creo que este partido sexa definitivo tendo en conta os resultados desta segunda volta, pero si moi importante para saber cal é o noso sitio”.
O que queda claro é que o duelo entre galegos será un encontro atractivo para os aficionados. “De gañar nos poñeríamos a 5 puntos do líder e as xogadoras están con moitas gañas de dalo todo nestas 8 finais que nos quedan”, anima o adestrador a que a xente se achegue ata Santa Isabel.
Chivi García, adestrador do Victoria FC: “De gañar nos poñeríamos a 5 puntos do líder e as xogadoras están con moitas gañas de dalo todo nestas 8 finais que nos quedan”.
A pesar de que as de Villalonga suman dous partidos sen gañar, queren asaltar Santa Isabel e volver á senda da vitoria nun duelo directo: “Queremos seguir coa boa liña de xogo pero intentar reafirmalo con bos resultados. Non estamos conseguindo ser tan resolutivas como na primeira vuelta pero queremos volver a encontrar boas sensacións ante o Victoria FC”.
Luis Treviño, adestrador do Viajes Interrías: “Queremos seguir coa boa liña de xogo pero intentar reafirmalo con bos resultados. Non estamos conseguindo ser tan resolutivas como na primeira vuelta pero queremos volver a encontrar boas sensacións ante o Victoria FC”.
