Coruñesas e santiaguesas xogaron de visitantes na xornada de hoxe, domingo. As vermellas vencero por 1-0 ao Racing B, mentres que as cebras, tamén en Santander, caeron por 3-1 nun dos campos máis duros de Primeira Nacional, o do CD Monte.
As vermellas voltan a senda da vitoria
Partido moi disputado do Victoria FC no campo do filial do Racing de Santander. Duelo marcado polo gran respeto que se tiveron ambos conxuntos, xa que ningún quixo perder. Ao final, importante triunfo das galegas, o primeiro do ano 2020, na súa visita ó CDE Racing Féminas B (0-1).
O conxunto compostelán afrontaba o encontro con importantes baixas na plantilla e co obxectivo de reaccionar trala dura derrota da xornada anterior na casa ante o Sporting B, pero as xogadoras que dirixe Chivi García souberon expoñer madurez, paciencia e actitude para amarrar o noveno triunfo da tempada e aferrarse á cuarta praza da clasificación. Co resultado gafas chegouse ao descanso con varias ocasión sen demasiado perigo en ambas áreas.
Foi un partido moi disputado. As rojillas non foron quen de estar cómodas en ningún momento con balón e sen él chegaban tarde á presión. Calquera dos dous equipos puido poñerse por diante no marcador.
Despois do descanso todo cambiou. “Estivemos mais xuntas no medio campo e mais participativas. Houbo un cambio de actitude importante e superamos con claridade ó rival, aínda que tamén tivo o Racing as súas oportunidades para adiantarse aproveitando que nós estabamos volcadas en facer gol”, explica o adestrador santiagués.
Chivi García, adestrador do Victoria FC: “Estivemos mais xuntas no medio campo e mais participativas. Houbo un cambio de actitude importante e superamos con claridade ó rival, aínda que tamén tivo o Racing as súas oportunidades”.
Cando o partido camiñaba hacía o que parecía un empate de manual, chegou a alegría para a parroquia vermella e Noela facía un gol no 89 que valía tres puntos. As de Chivi, con esta vitoria, voltan cara Santiago recuperando a senda da vitoria tras o traspés da xornada pasada en Santa Isabel co Sporting B.
Destacou tamén o debut de Lucía na portería que xogou os 90 minutos así como de Anita, xogadora do equipo B que saiu na segunda metade facendo un gran partido no centro do campo.
Con este triunfo o Victoria FC permanece na cuarta praza a dous puntos do Deportivo B, terceiro con 31, e a catro xa do Oviedo B e do Valladares, quinto e sexto respectivamente. Precisamente o próximo domingo visita ó equipo vigués que ven de gañar en Gijón ó Sporting B por 0-1.
Boas sensación a pesar da derrota
Púxose moi costa arriba o partido para as cebras cando no minuto 1 encaixaban o primeiro do partido, obra de Mar Sierra. Tocaba volver a remar nun dos campos máis complicados da categoría, o do Monte. A reacción galega non tardou en chegar, e dez minutos despois, as galegas recortaban distancias cun gol de Laura e poñían de novo as táboas no marcador.
Os dous conxuntos seguían a medirse con varias oportunidades para cada bando. Cando xa estaba morrendo a primeira metade, preto do minuto 40, as locais volvian a poñerse por diante cun gol de Pilar co que se chegaría ao descanso.
Corría o minuto 69 cando Laura Sierras, que acababa de entrar no seu debut co primeiro equipo, anotaba o terceiro e definitivo gol que deixaba as cebras sen premio en Santander.
Toño, adestrador do Victoria CF, destacou para as nosas as múltiples baixas coas que afrontaron o partido: “Viñemos con moitas baixas. Catro xogadoras do B no once titular e dous no banco. O equipo competiu moi ben e a pesar da derrota voltamos cara Coruña con boas sensacións”.
Toño, adestrador do Victoria CF: “Viñemos con moitas baixas. Catro xogadoras do B no once titular e dous no banco. O equipo competiu moi ben e a pesar da derrota voltamos cara Coruña con boas sensacións”.
Preto do pitido final, no minuto 88 as herculinas gozaron dunha gran oportunidade cun penalti que detivo Paula, a gardamallas local. A sorte non estivo do lado das nosas coruñesas na mañá de hoxe.
