Toño: “Terán enerxías renovadas polo cambio de adestrador”

Derbi de moitas emocións o que se vivirá no campo da Grela o domingo ás 18:15 entre o Victoria CF e o Umia. As cebras buscarán continuar coa boa dinámica e acadar a súa terceira consecutiva que poñería un colchón importante con respecto ao descenso. O Umia chega con faciana nova no banco e con ganas de remontar o voo.

O adestrador das herculinas, Toño, falou durante a previa da importancia de gañar para poñer terra de por medio cos postos de descenso: “Chegamos con dúas vitorias consecutivas pero temos que tentar que non haxa relaxación. Cunha vitoria teriamos un colchón importante con respecto ao descenso e poderiamos pensar noutras cousas”.

Toño, adestrador do Victoria CF: “Chegamos con dúas vitorias consecutivas pero temos que tentar que non haxa relaxación. Cunha vitoria teriamos un colchón importante con respecto ao descenso e poderiamos pensar noutras cousas”.

O técnico galego tamén quixo destacar que “é un partido complicado porque é un rival directo e ademais terán enerxías renovadas polo cambio de adestrador. Seguro que irán con máis ganas que nunca e as xogadoras menos habituais apertarán máis”, en relación ao campo no banco do Umia.

Toño, adestrador do Victoria CF: “É un partido complicado porque é un rival directo e ademais terán enerxías renovadas polo cambio de adestrador. Seguro que irán con máis ganas que nunca e as xogadoras menos habituais apertarán máis”.

Aires renovados no banco

O conxunto de Ribadumia chega ao derbi nunca semana un tanto movida. O pasado mércoles facían oficial a destitución de Tino Buján ao fronte do equipo e a última hora do pasado xoves anunciaban o fichaxe de Edu González para dirixir o equipo feminino de Nacional polo que resta de tempada.

Así foi como o conxunto galego quixo agradecer a Tino os servizos prestados ao fronte do equipo durante estas 17 xornadas:

Hai días na vida nos que temos sensacións encontradas!
Hoxe é un deses…No día de onte, a Xunta Directiva do club, despois dun profundo análise e moi ó noso pesar, decidiu intentar buscar un revulsivo para o equipo feminino de Nacional, que nos afaste das posicións de descenso, prescindindo do corpo técnico actual do equipo encabezado por Tino Buján.

Sólo podemos darlle as gracias a Tino e ó seu equipo polo bo trato dispensado ó noso club, sentido ás cores do Umia como súas, e loitando para poder manter a categoría do equipo. Temos moi claro que isto non é un adiós, senón un “hasta luego”.

E a ti Tino, agradecerche o boa persoa que eres, o traballo que fixeste para intentar sacar este barco adiante, o cariño que nos dispensaste ás persoas do club e sobre todo as magníficas formas que mantiveches nunha situación difícil coma esta. Hónrate como persoa. Chapéu!

Gracias de corazón 🔴🔵

Gracias tamén a Moisés Campos que onte fíxose cargo do adestramento do equipo ata que se incorpore un novo adestrador. Sempre Umia!

De este xeito, o Umia quixo dar a benvida ao seu novo técnico, Edu González que desenvolverá as tarefas de adestrador do equipo de nacional e ademais será o encargo de levar a dirección deportiva de toda a sección feminina do club. Contará cun colaborador de luxo, o ex-adestrador das “vikingas”, Moisés Campos.

Como isto do fútbol…non para…
…hoxe tócanos anunciar de maneira oficial que a Xunta Directiva do club chegou a un acordo con Edu González para dirixir o equipo feminino de Nacional polo que resta de tempada.

O vigués desenvolverá as tarefas de adestrador do equipo de nacional e ademais será o encargo de levar a dirección deportiva de toda a sección feminina do club, contando en todo caso cun colaborador de luxo, o ex-adestrador das “vikingas”, Moisés Campos.

Edu é un adestrador xoven pero con moita experiencia, titulado, coñecedor a perfección do fútbol feminino nacional, da categoría e de boa parte das xogadoras do noso plantel, con capacidade de liderazgo e sobrados coñecementos futbolísticos gañados ó longo dunha ampla traxectoria como adestrador e preparador físico, tanto no masculino coma no feminino, en equipos como o Atlántida Matamá, Alondras, Atios, Erizana, Cultural de Areas e no extinto “El Olivo”, así como nas distintas categorías da Selección Galega (sub-12, sub-16 e absoluta).

Nacido no barrio de Cabral en Vigo, cidade na que sigue vivindo na actualidade, Edu é licenciado en INEF e adestrador de nivel II pola Real Federación Española de Fútbol. Con 40 anos acumula unha gran experiencia nos banquillos tanto como preparador físico como adestrador. Entre os seus éxitos recentes destacaremos o ascenso a 2ª División Pro e o Campionato de Copa co SCDA Matamá Feminino a temporada pasada, o Campionato Galego de Seleccións Comarcais coa selección de Vigo sub-15 na tempada 14-15 e na 15-16, o ascenso como preparador físico a 3ª división masculina co Cultural de Areas na tempada 2012-13 e o ascenso a Liga Iberdrola co FPR El Olivo Femenino na tempada 2010-11. Como seleccionador galego foi quen de acadar a medalla de Bronce no Campionato de España de Seleccións Autonómicas Sub-12 femininas na temporada 2011-12, así como éxitos importantes coa selección sub-16 galega e xunto con Quin Valbuena e Susú Cores formou tándem para dirixir o partido da absoluta entre Galicia e Cataluña celebrado na Lomba en decembro de 2016.

O vigués sentarase este domingo nos banquillos da Grela (Victoria C.F.) para dirixir as vikingas no seu primeiro partido oficial co Umia, na primeira das 9 finais que terá co equipo de Barrantes para tentar manter a categoría.

Moito traballo por diante, pero coa máxima ilusión por parte de todos e coa esperanza de que este novo proxecto perdure no tempo o maior número de anos posible. Benvido Edu! Sempre Umia!