A xornada do Grupo I da Primeira Divisón Nacional de fútbol comeza ás 12:00 cun partido para recuperar sensacións. O Victoria FC viaxa a Santander para xogar ante o filial do Racing de Santander. As de Chivi queren voltar a Santiago cos tres puntos e recuperar a senda da vitoria.
O conxunto galego afronta o primeiro desprazamento do ano co ánimo de esquecer a dura derrota da pasada xornada na casa fronte ó Sporting B (1-2). O conxunto compostelán ten outro reto complicado por diante pois unha semana máis contará con varias baixas no plantel. Así, o adestrador Chivi García non poderá incluir na convocatoria nin a Carmen, Carlita e Albita, todas lesionadas, nin a Chorén.
Tras a derrota da pasado xornada, as compostelás ocupan á cuarta praza da clasificación pero o obxectivo e recuperar canto antes a zona de ‘podio’, unha tarefa que non lle será doada de cumprir ante un CDE Racing Féminas B que loita por non caer nas prazas de descenso a só un punto do Gijón Fútbol Femenino, 12.º na táboa.
Chivi García, adestrador do Victoria FC: “Veremos a resposta das nosas xogadoras tras a derrota do pasado domingo, pois ademais esta semana, por mor do temporal, non puidemos adestrar como nos gustaría”.
Pese a diferenza de puntos (26 das santiaguesas por 12 das asturianas), Chivi García advertíu na previa das cualidades do rival: “O Racing é un equipo moi xoven pero con xogadoras de gran talento. Será un partido moi difícil. Veremos a resposta das nosas xogadoras tras a derrota do pasado domingo, pois ademais esta semana, por mor do temporal, non puidemos adestrar como nos gustaría”.
O técnico compostelán detalla algunhas das complicacións do partido do domingo: “O campo ten unhas dimensións moi pequenas e cun céspede artificial desgastado. Pero se queremos estar nos postos de arriba hai que sobrepoñerse a todo iso e traer os tres puntos”.
Chivi García, adestrador do Victoria FC: “O campo ten unhas dimensións moi pequenas e cun céspede artificial desgastado. Pero se queremos estar nos postos de arriba hai que sobrepoñerse a todo iso e traer os tres puntos”.
