O Victoria CF está a disputar un histórico play-off que podería facerlle equipo de Reto Iberdrola para a vindeira tempada. No primeiro duelo, as cebras remontaron o partido ante o Real Betis B para rañar un empate 1-1 que deixa abertas as portas para o partido de volta.
As herculinas comezaron a cita recibindo a copa de campioas da Primera Nacional, ao ter rematado primeiras no grupo 1C e conseguir así o pase a esta fase final.
🏆 Antes do partido recibimos a copa de Campión!!
10′ ⌚ |
Feminino A 0️⃣-0️⃣ @RealBetisFem
Dominio alterno, aínda coñecendose os equipos! pic.twitter.com/UZ4Wuw10P3
— Victoria Club Fútbol ⚽🦓 (@VictoriaCF1943) June 13, 2021
O Victoria salvou un partido importantísimo
Nos primeiros minutos de xogo a igualdade era máxima no terreo de xogo, sen un equipo que destacase por riba do rival. A primeira acción seria de perigo chegou das mans das sevillanas, que obrigaron a Álvaro a salvar un balón que ía entre os tres paus.
A primeira metade seguiu desenvolvéndose cun dominio alterno do esférico, ata que o Betis logrou anotar e poñer o primeiro gol no marcador. Intres antes do descanso, as coruñesas perderon o balón na frontal da área, un erro que as andaluzas aproveitaron para marcar. Lucía Méndez non deixou pasar a súa oportunidade e cun man a man subiu o primeiro tanto ao electrónico.
Na segunda parte, Cris Oreiro fixo un par de cambios no seu debuxo para loitar polo partido, e deu entrada a Lau e Andrea por Ana e Paloma. Os ánimos e a enerxía no Victoria seguía por todo o alto malia a momentánea derrota, e as cebras lograron a base de esforzo e traballo o empate en cuestión de minutos.
Cando o marcador informaba do minuto 59, Charín realizou un excelente disparo desde o bordo da área, anotando desta forma o primeiro gol local da tarde. Co 1-1, as galegas víronse con posibilidades de levarse o partido e comezaron a encadear varias accións que case provocan o 2-1.
De novo Charín lucíase no campo, cun gran centro lateral que despexou a gardameta, e cuxo rexeitamento caeu nas botas de Ceti. A xogadora do Victoria intentou anotar cun disparo que petou nunha xogadora bética e non entrou entre os tres paus.
A falta de dous minutos para o final, as locais estiveron a piques de crear unha gran acción ofensiva cun centro lateral, que finalmente non chegou a porto.
Cinco minutos de tempo engadido que non desfixeron as táboas
O equipo arbitral engadiu cinco minutos máis de xogo, que non fixeron máis que aumentar a emoción e a tensión que se estaba a vivir no campo da Grela. Porén, ningún dos dous equipos foi quen de desfacer o empate, rematando o primeiro duelo en táboas cun 1-1 que se decidirá a vindeira fin de semana.
Da eliminatoria que se disputará na Cidade Deportiva do Real Betis sairá o equipo ascendido, xa que ou Victoria ou Betis obterán a praza de ascenso á Reto Iberdrola se conseguen asinar a vitoria.
FICHA TÉCNICA
VICTORIA CF: Álvaro, Miga, Iria, Charín, Gara, Ceti, Tati, María, Ana (Laura 46′), Paloma (Andrea 46′), Bita (Zaida 80′).
REAL BETIS B: Sonia, María Gómez, Vicky, Benjumea (Sabrina 66′), Marina Rivas, Marina Marín, Irati, Lucía Sánchez (Blanca Muñoz 46′), Lucía Ramos, Méndez (Julene 81′), Laura M (Rocío Salado 46′).
GOLES: Lucía Méndez (0-1, 43′), Charín (1-1, 55′).
INCIDENCIAS: Partido de ida do play-off de ascenso a Reto Iberdrola, celebrado na Grela da Coruña.
