Sorte dispar para o Viajes Interrías e o Victoria CF. As de Villalonga conseguiron unha gran vitoria no Baltar de Arriba (3-1). Tres puntos que as fan máis líderes da categoría, tras os tropezos de Victoria FC, Sárdoma e Monte. Pola contra, o conxunto herculino non puido co CDE Racing Féminas “B” e caeu por 2-3 na Grela.
O Viajes Interrías afiánzase ao liderato
O partido transcorreu según os planes de Luis Treviño, adestrador do Interrías. As galegas esperaban a un conxunto astur moi intenso e cunha presión moi alta e iso foi o que pasou.
Luis Treviño, adestrador do Interrías: “Elas son un equipo moi forte. Comezaron dominaron o encontro xa que fixeron unha presión moi alta que nos dificultou a circulación de balón”.
A pesar desta boa presión das visitantes, as de Treviño foron soltándose e co trascurso dos minutos acadaron por asentarse no encontro. Con esta tranquilidade, chegaron as ocasións das locais e crear perigo na área do Gijón. O bonito do fútbol é que é impredecible e fruto disto, chegaría o gol das asturianas. Un despexe desde a defensa colleu mal colocadas á zaga galega e deixo á dianteira visitante man a man contra a gardamallas Morais. Gol do Gijón e 0-1 no luminoso.
Luis Treviño, adestrador do Interrías: “Con moito traballo conseguimos impoñernos no partido. Tras o descanso e con algún cambio adiantámonos no marcador cun gol de Noe”.
As de Villalonga, non tardaron moito en empatar cun gol de Sara Porto. Este gol cambiou o partido. Treviño moveu o banquillo e tras o descanso e con algún cambio o Viajes Interrías adiantouse no marcador cun gol de Noe.
Con marcador en contra, as astures baixaron fisicamente e as galegas o aproveitaron para anotar o terceiro e definitivo gol, obra de Noe tras empurrar o coiro na área pequena. Segundo na conta particular de Noe e último tanto do encontro.
Co 3-1 no luminoso, as visitantes abusaron do golpeo en longo pero o luminoso non se movería máis. O Viajes Interrías é máis líder e aproveita os tropezos dos equipos de arriba, Vitoria FC, Sárdoma e Monte.
As cebras caen pola mínima na casa
O Victoria CF non foi quen de conseguir a vitoria ante un rival directo (2-3), o CDE Racing Féminas “B”. O partido destacou pola igualdade entre ambos equipos no que a efectividade das visitantes decantaron o resultado do seu lado.
Tras este traspés, o Racing sitúase a un só puntos das cebras que ocupan o 9º posto da táboa. As de Toño, tentarán cambiar a dinámica durante a semana, e afrontar o duro duelo que teñen no campo do Monte, que ocupa a segunda posición.
