Cun cuarto de hora de distancias xogarán as nosas galegas o seus respectivos duelos do Grupo I da Primeira División Nacional. O Victoria CF recibe na Grela ao Gijón ás 12:15. 15 minutos máis tarde, ás 12:30 o Atlético Arousana xoga no Manuel Díaz Vega contra o Oviedo Moderno B.
Seguir na boa liña
O Atlético Arousana viaxa a Oviedo coa mentalidade posta en seguir na boa dinámica tras o empate da xornada pasada fronte o líder, Interrías. As de Moncho, afrontan un duro encontro no Manuel Díaz Vega, ante un Oviedo Moderno B que buscará gañar para engancharse ao podio da Liga.
“O resultado da finde pasada supuxo un gran esforzo. É unha sinal de que facendo ben as cousas podemos competir con calqueira rival. As xogadoras están a adestrar moi ben e esperamos que o resultado contra o Viajes Interrías nos de máis confiaza”, foron as verbas do adestrador galego das amarelas durante a previa.
Moncho, adestrador do Atlético Arousana: “O resultado da finde pasada supuxo un gran esforzo. É unha sinal de que facendo ben as cousas podemos competir con calqueira rival. As xogadoras están a adestrar moi ben e esperamos que o resultado contra o Viajes Interrías nos de máis confiaza”.
Moncho falaba sobre que “o traballo ben feito teña recompensa. Viaxamos a Oviedo para xogar contra un rival moi complicado. Imos coa mentalidade posta en sacar un resultado positivo contra elas, vamos sen nada que perder”.
Moncho, adestrador do Atlético Arousana: “Esperemos que o traballo ben feito teña recompensa. Viaxamos a Oviedo para xogar contra un rival moi complicado. Imos coa mentalidade posta en sacar un resultado positivo contra elas, vamos sen nada que perder”.
O técnico arousán é consciente de que “non é un rival da nosa liga pero esperamos sacar algo positivo”. As amarelas seguen pendentes da evolución das xogadoras tocadas. Moital, Bárbara Serra e Laura están en dúbidas, ainda que as tres xogadoras viaxarán co resto do equipo e serán dúbida ata o último minuto.
Obxectivo, gañar a un rival directo
O Victoria FC recibe na Grela a un rival directo. As cebras tan só superan ás astures nun só punto e as galegas queren gañar para poñer terra por medio co descenso. As adestradas por Toño suman 13 puntos e levan catro xornadas seguidas sen coñecer a vitoria. A mente das galegas so pasa por acadar os tres puntos para recuperar sensacións.
As asturianas, con 12 puntos, atópanse na liña vermella do descenso que actualmente marca o Oceja por golaverage. As pupilas de Toño, de acadar unha vitoria, e se os resultados acompañan, poderían durmir a catro puntos dos postos perigosos e deixar a un rival directo moi tocado. Gañar a un rival directo e dar un golpe enriba da mesa.
Toño, adestrador do Victoria CF: “É un partido fundamental para nós e sobre todo en casa. A pesar da derrota do finde pasado contra o Monte queremos seguir coas boas sensacións e o cambio de chip. Esperamos que se materialice en casa cos tres puntos”.
O adestrador das cebras, Toño avisaba sobre a importancia de conseguir os tres puntos na Grela: “A vitoria supoñería un alivio para a situación na táboa e unha axuda mental para os dúas partidos claves que nos vén despois deste”.
As cebras recuperan a Ana, a Souto e a Tati. Souto chega ao partido entre algodóns pero o míster espera que poida ter uns minutos e ser de axuda para o equipo.
