Tanto Victoria CF, como Atlético Arousana queren conseguir os tres puntos para acadar os seus obxectivos. O conxunto coruñés do Victoria CF, ten por diante un partido ante un rival directo pola salvación: o CDE Racing Féminas “B”. As arousás queren deixar de ser o farolillo vermello da categoría nun campo moi complicado, o do CD Monte.
Gañar e fuxir da zona perigosa
As Cebras reciben ao CDE Racing Féminas “B” no que será un duelo directo por saír da zona vermella da táboa. As coruñesas están 4 puntos por riba do descenso, posición que ocupa o CD Oceja, rival do Atlético Arousana deste xornada. As cántabras, con nove puntos, os mesmos que o Oceja, ocupan a 13ª posición da Liga.
As de Toño levan dúas xornadas sen coñecer a vitoria e teñen este domingo, ás 12:00, unha gran oportunidade de conseguir os tres puntos ante a súa afección.
Deixar de ser o pechacancelas
O Atlético Arousana visita o campo do segundo clasificado, o CD Monte. As cántabras, tras unha gran primeira volta, seguen a estela do líder Viajes Interrías e sitúase a dous puntos do liderato. O Arousana, actual pechacancelas da categoría, viaxa coa máxima ilusión e ganas de darlle a volta a esta mala dinámica e saír dos postos de descenso.
Carolina Baños, capitana e xogadora do Atlético Arousana: Temos un equipo novo e na primeira volta houbo alguns partidos que se nos escaparon nos minutos finais por culpa dos nervios e da falta de experiencia. O importante e que estamos a traballar duro e ben.
O conxunto galego conta con un equipo moi novo e estalle custando adaptarse á categoría, pero confían nesta segunda volta darlle a volta a tortilla e transformar o traballo en puntos. Certo é que teñen a salvación a tan só un partido, os tres puntos que separan o Arousana do Umia.
Carolina Baños, capitana e xogadora do Atlético Arousana: Eu vexo un equipo con ilusión e afrontamos a segunda volta con optimismo pero sendo conscientes da nosa situación e da necesidade de puntuar para poder saír dos postos de abaixo.
