Tarde de derbis galegos no Grupo I da Primeira División Nacional. O Dépor B recibía ao Victoria CF nun duelo herculino no que as cebras deron a sopresa e asaltaron Abegondo tras gañar por 2-0 ao filial deportivista. No outro duelo galego entre Victoria FC e Viajes Interrías, foron as locais as que lograron impoñerse por 2-0. O conxunto dirixido por Luis Treviño, tras a derrota de hoxe, xa non é líder en solitario e comparte posto no máis alto co CD Monte.
As cebras asaltan Abegondo
O Victoria CF acadou unha gran vitoria nun dos campos máis complicados da categoría e ante un dos equipos top. As branquinegras leváronse o derbi herculino por 0-2 grazas aos goles de Andrea antes do descanso e un gol de Tomy xa na segunda metade tras un disparo cruzado.
Toño, adestrador do Victoria CF comentou tras o pitido final que “o partido estivo controlado durante os 90 minutos. Nos primeiros minutos estivemos máis metidas atrás pero logo subimos a presión e tivemos o control total”.
Toño, adestrador do Victoria CF: “O partido estivo controlado durante os 90 minutos. Nos primeiros minutos estivemos máis metidas atrás pero logo subimos a presión e tivemos o control total”.
O técnico galego tamén quixo eloxiar as súas xogadoras tras a gran vitoria cosechada nun campo case inexpunable. “Creo que foi un resultado xusto. Estou moi contento porque gañar en Abegondo nunca é fácil e máis sen encaixar goles”.
Toño, adestrador do Victoria CF: “Creo que foi un resultado xusto. Estou moi contento porque gañar en Abegondo nunca é fácil e máis sen encaixar goles”.
Goles polémicos para deixar tres puntos en Santa Isabel
O Victoria FC santiagués levouse o derbi galego ante o Viajes Interrías por 2-0 en Santa Isabel. O conxunto de Villalonga chegaba ao partido coas baixas moi importantes por lesión de Morais e Beli en portería. Finalmente xogou Morais pero Filipa que é xogadora de campo e irmá de Jacinta, a porteira titular.
“Quedan sete finais”, afirmou o adestrador Chivi García, empezando pola próxima xornada (dentro de 15 días) cunha complicada visita ao seu rival directo, o Oviedo B.
Onte os aficionados que se achegaron ata Santa Isabel disfrutaron dun auténtico partidazo. Os dous conxuntos sairon moi ben posicionados ao terreo de xogo en busca de crear perigo na portería rival. Con acercamentos perigosos pero sen ocasións manifestas de gol para ningún deles na primeira parte, semellaba que o encontro se iría ao descanso con táboas no marcador, ata que Ánxela Torres rematou con éxito un centro de Gara xa no tempo engadido. Un gol moi protestado polas xogadoras e corpo técnico do Viajes Interrías xa que consideraron que o gol chegaba superado o tempo engadido.
Luis Treviño, adestrador do Viajes Interrías: “O partido foi máis igualado do que di o resultado. Saimos moi descontentas coa actuación arbitral porque os goles chegan por dúas xogadas moi discutibles”.
O técnico das de Villalonga valorou tras o pitido final a polémica de ambos tantos. “O partido foi máis igualado do que di o resultado. Saimos moi descontentas coa actuación arbitral porque os goles chegan por dúas xogadas moi discutibles”.
Luis Treviño, adestrador do Viajes Interrías: “A segunda parte foi un monólogo o noso pero sen profundidade. Apenas non tiramos a portería e así é moi difícil gañar”.
Tras o tempo de lecer, chegaría o segundo tanto das rojillas, de novo obra de Ánxela Torres. Este segundo tanto tamén moi protestado, xa que o conxunto visitante considerou que houbera falta previa a Morais antes do gol. A protesta conlevou a expulsión de Luis Treviño que mostrou o seu descontento coa actuación arbitral: “O primeiro gol chega tras superar dous minutos o tempo engadido e o segundo gol tras unha falta clara á nosa porteira. Temos que seguir loitando e quero felicitar ás miñas xogadoras”.
Luis Treviño, adestrador do Viajes Interrías: “O primeiro gol chega tras superar dous minutos o tempo engadido e o segundo gol tras unha falta clara á nosa porteira. Temos que seguir loitando e quero felicitar ás miñas xogadoras”.
Pero, lonxe de darse por vencido, o Interrías, continuou intentando a remontada e incluso gozou dalgunha ocasión para recurtar distancias. Sen embargo o Victoria FC estivo moi serio durante todo o encontro e non deixou escapar os tres puntos que serven para darlle moita emoción a esta Liga.
“O que mais me gustou das miñas xogadoras foi a súa actitude. Viuse a un equipo que quería gañar dende o minuto 1 ao 90”, comentou o adestrador santiagués Chivi García. “Cando o equipo o pasou mal soubo sufrir, e cando tivemos os nosos minutos, as xogadoras foron valentes co balón e fixeron dano ás rivais”, engadiu.
Chivi, adestrador do Victoria FC: “O que mais me gustou das miñas xogadoras foi a súa actitude. Viuse a un equipo que quería gañar dende o minuto 1 ao 90”.
Chivi, adestrador do Victoria FC: “Cando o equipo o pasou mal soubo sufrir, e cando tivemos os nosos minutos, as xogadoras foron valentes co balón e fixeron dano ás rivais”.
Con esta vitoria, o Victoria FC segue como terceiro clasificado e suma 37 puntos a cinco do líder. Un posto que tras a derrota, o Viajes Interrías comparte co CD Monte con 42 puntos.
