De tiraliñas, como se estivesen xogando ao billar e non ao fútbol sala. Así foi a xogada coa que a Selección Española de Fútbol Sala acadaba o empate antes do descanso no seu partido de hoxe contra Portugal. A asistencia asinouna a galega Vane Sotelo. O gol, Ana Luján que so tivo que empuxala. Foi tal que así:
📹 | Gracias a este gol de Ana Luján la @Sefutbolfem Sala ha conseguido el empate al filo del descanso
🌟 Una finalización precisa tras un pase inverosímil de Vane Sotelo pic.twitter.com/zvQqP3kIEO
— Selección Española Femenina de Fútbol (@SeFutbolFem) October 14, 2020
Ese pase de Vanessa Sotelo que rematou en gol non foi abondo para que a Rojilla se impuxese ás lusas. O partido rematou 4-3 a favor do país veciño.
Españolas e portuguesas xogaron dous partidos nestes días. O primeiro rematou en empate 3-3.
O segundo dos amigables entre lusas e españolas vén de finalizar con derrota da Selección Española 4-3.
No combinado que dirixe Clàudia Pons había catro xogadoras como representación galega, ben por selo, ou ben por xogar en clubs de futsal da nosa terra.
Estiveron nesta cita coa Rojilla a porteira do Poio Pescamar Caridad, Ale de Paz, do Pescados Rubén Burela (que marcou no primeiro partido e deu unha asistencia no segundo), e as galegas da AD Alcorcón FSF Nere Moldes e Vane Sotelo, a autora desa asistencia épica da que falabamos.
Jenny Lores, do Ourense Envialia, estivo na lista pero tivo que deixar a convocatoria polo positivo detectado no entorno do equipo ourensá.
