Búscanse seareiras, pero online. O Ourense Envialia vén de publicar nas súas redes sociais e de trasladar aos medios de comunicación un vídeo promocional do seu partido desta fin de semana. O calendario marca para esta terceira xornada de Liga na Primeira División do Fútbol Sala Feminino da RFEF un enfrontamento nada menos que co Futsi At. Navalcarnero. Ambas as dúas escudras son vellas coñecidas. Na táboa as separan unicamente dous puntos.
As ourensás poñen en marcha esta acción promocional á procura de acadar a máxima difusión da súa transmisión en liña do partido que ofrecen en streaming.
O cruce deportivo entre o Ourense Envilia e o Futsi At. Navalcarnero poderase ver a través da canle de YouTube do equipo que adestra Morenín esta fin de semana. O encontro está marcado para as 17:00 horas do sábado 31 de outubro. A entidade solicita a colaboración das súas seareiras para acadar o número de 1.000 persoas subscritoras na súa canle de YouTube.
Unha promo saída da factoría Bea Seijas
A peza audiovisual está editada e montada por Bea Seijas Diseño Gráfico, un nome, o de Bea Seijas, que seguro é recoñecido polas persoas amantes do futsal máis aló do Ourense Envialia.
A ex futbolista, que sigue colaborando co club no que se retirou das canchas hai ben pouco, está agora máis volcanda na súa faceta como profesional do deseño gráfico. Esta peza é unha mostra do traballo desta muller que xa era unha artista co balón nos pés e agora tamén está demostrando o seu bo facer como creadora gráfica e audiovisual.
