Cara e cruz no futsal herculino. O triunfo 1-6 do Viaxes Amarelle FSF ante as súas veciñas do 5 Coruña FS fai ás laranxas (esta vez de azul) máis líderes pero acosta de afogar ás vermellas na táboa. As pupilas de Fani Martínez ubícanse na penúltima posición da clasificación na Segunda División do FSF da RFEF.
A ledicia dunhas é a tristeza das outras. O derbi coruñés seguiu o guión previsto. Non houbo sorpresas. As favoritas non tiveron piedade das veciñas de Novo Mesoiro e as da Sagrada levaron os puntos en xogo afinanzándose no liderato con 42 puntos. Invictas e poñendo rumbo certeiro cara á fase de ascenso cun avante toda que non parece ter final.
O equipo que adestra Jorge Basanta levou un susto ao arranque ao recibir un gol de Alba Canosa. O seu tanto abría o marcador no minuto tres de partido 1-0 froito dun rexeite ao borde da área. Non pasaba un minuto antes de que chegase a reacción laranxa. Foi Candela Soria quen empatou nun tres para unha para o Viaxes Amarelle. Un minuto máis tarde a mesma xogadora adiantaba ao Viaxes Amarelle e lle daba a volta ao partido. O 1-2 xurdía dunha falta botada en xogada de estratexia.
1. Derbi entre 5 Coruña FS e Viaxes Amarelle FSF / VIAXES AMARELLE FSF
Derbi entre 5 Coruña FS e Viaxes Amarelle FSF / VIAXES AMARELLE FSF
2. Viaxes Amarelle / VIAXES AMARELLE FSF
Viaxes Amarelle / VIAXES AMARELLE FSF
3. Derbi entre 5 Coruña FS e Viaxes Amarelle FSF / VIAXES AMARELLE FSF
Derbi entre 5 Coruña FS e Viaxes Amarelle FSF / VIAXES AMARELLE FSF
4.
5. Derbi entre 5 Coruña FS e Viaxes Amarelle FSF / VIAXES AMARELLE FSF
Derbi entre 5 Coruña FS e Viaxes Amarelle FSF / VIAXES AMARELLE FSF
6. Derbi entre 5 Coruña FS e Viaxes Amarelle FSF / VIAXES AMARELLE FSF
Derbi entre 5 Coruña FS e Viaxes Amarelle FSF / VIAXES AMARELLE FSF
Quería o balón o Viaxes Amarelle FSF e levaba perigo sobre a portaría rival, mentres o 5 Coruña FS agardaba as laranxas (esta vea azuis) en media cancha coa clara intención de roubar o esférico e sorprender á contra. Quedaron noqueadas as vermellas co 1-2 e aos sete minutos de partido recibían o 1-3 logo dunha xogada elaborada que finalizaba Patri Romaní cun disparo ao borde da área.
Case sen tempo para asimilar o golpe, o 5 Coruña FS recibía o 1-4 das botas de María Gómez. Era ela quen finalizaba unha acción que artellaron en bloque as xogadoras que adestra Jorge Basanta.
Fani Martínez decidía adiantar a liña de presión para buscar, novamente, roubar balóns e prantarse rapidamente ante a meta rival. Non lle perdían a cara ao partido as vermellas pero o gol non chegaba.
1. Derbi entre 5 Coruña FS e Viaxes Amarelle FSF / VIAXES AMARELLE FSF
Derbi entre 5 Coruña FS e Viaxes Amarelle FSF / VIAXES AMARELLE FSF
2. Derbi entre 5 Coruña FS e Viaxes Amarelle FSF / VIAXES AMARELLE FSF
Derbi entre 5 Coruña FS e Viaxes Amarelle FSF / VIAXES AMARELLE FSF
3. Derbi entre 5 Coruña FS e Viaxes Amarelle FSF / VIAXES AMARELLE FSF
Dobre penalti no derbi entre 5 Coruña FS e Viaxes Amarelle FSF / VIAXES AMARELLE FSF
4. Derbi entre 5 Coruña FS e Viaxes Amarelle FSF / VIAXES AMARELLE FSF
Derbi entre 5 Coruña FS e Viaxes Amarelle FSF / VIAXES AMARELLE FSF
5. Derbi entre 5 Coruña FS e Viaxes Amarelle FSF / VIAXES AMARELLE FSF
Derbi entre 5 Coruña FS e Viaxes Amarelle FSF / VIAXES AMARELLE FSF
6. Derbi entre 5 Coruña FS e Viaxes Amarelle FSF / VIAXES AMARELLE FSF
Derbi entre 5 Coruña FS e Viaxes Amarelle FSF / VIAXES AMARELLE FSF
Para colmo de males, o 5 Coruña FS cargábase de faltas. Preto do descanso Yaiza tivo a ocasión de lanzar un dobre penalti, que detivo Nati Barral baixo paus evitando un novo golpe para o 5 Coruña FSF e mantendo de ara á segunda metade o 1-4 no marcador electrónico de Novo Mesoiro.
Logo do descanso o guión non mudaba. O 5 Coruña FS teimaba na presión alta convencidas de que por aí podían facerlles dano ás de Basanta. Pero nada, o gol non chegaba e non se daban metido no partido. Os minutos pasaban e o reloxo corría a favor das da Sagrada.
1. Celebración dun gol do Viaxes Amarelle FSF / VIAXES AMARELLE FSF
Celebración dun gol do Viaxes Amarelle FSF / VIAXES AMARELLE FSF
2. Derbi entre 5 Coruña FS e Viaxes Amarelle FSF / VIAXES AMARELLE FSF
Derbi entre 5 Coruña FS e Viaxes Amarelle FSF / VIAXES AMARELLE FSF
3. Jorge Basanta, no banco Viaxes Amarelle / VIAXES AMARELLE FSF
Jorge Basanta, no banco Viaxes Amarelle / VIAXES AMARELLE FSF
O 1-5 foi obra de Lau Doce que aproveitou un rexeitamento dun disparo exterior de Candela Soria. Tanto o 5 Coruña FS como o Viaxes Amarelle FSF seguiron buscando o gol que finalmente chegaría para o conxunto que adestra Jorgen Basanta. O 1-6 asinouno tamén Yaiza no 40′.
Seguintes retos para Amarelle e 5 Coruña
A 16ª xornada da Segunda División do FSF da RFEF levará ao Viaxes Amarelle de volta á Sagrada Familia para recibir ao Promesas EDF Logroño (novenas) o sábado 26 de febreiro ás 18:00 horas. Mentres que o 5 Coruña FS viaxa a Santander para medirse á AD Mioño, oitavo clasificado.
FICHA TÉCNICA
1) 5 CORUÑA FSF: Nati Barral, Leny, San, Ainhoa e Alba Canosa – quinteto inicial -. Tamén xogaron: Quiroga, María Romero, Marta, Sarai, Tesouro, Nati Sandá e Alba Vázquez.
6) VIAXES AMARELLE FSF: Leti Rojo, Cris Lourés, Patri Romaní, Èlia Gullí e Candela Soria – quinteto inicial -. Tamén xogaron: Yaiza, Lau Doce, María Gómez e Sandra Rodríguez.
GOLES: 1-0 Alba Canosa (min. 3); 1-1 Candela Soria (min. 3); 1-2 Candela Soria (min. 4); 1-3 Patri Romaní (min. 7); 1-4 María Gómez (min. 7); 1-5 Lau Doce (min. 31); 1-6 Yaiza (min. 40).
ÁRBITROS: Sergio Piñeiro Rivas e Héctor Pérez Álvarez do Comité Técnico de Árbitros da Coruña. Na mesa estivo Lucía Manso Porteiro do Comité Técnico de Árbitros da Coruña. Recibiron amonestación as xogadoras Tesouro e Ainhoa das filas do 5 Coruña FSF con cartón amarelo.
INCIDENCIAS: Partido correspondente á décimo quinta xornada do Grupo 1 da Segunda RFEF Futsal Femenino disputado no Pavillón Municipal de Novo Mesoiro, na Coruña.
