O Viaxes Amarelle xa ten o billete de ida que leva ao equipo herculino a ser de primeira división de futsal feminino. As coruñesas voltan á elite do fútbol sala feminino, tras vencer por 3-1 ao Valdetires Ferrol, nun partido moi disputado e moi emocionante nun particular derbi comarcal.
Tras unha primeira metade moi igualada e co marcador sin goles, chegou unha segunda parte onde as herculinas empezaron moi forte e puxéronse pronto por diante no marcador cun gol de Irune. Unha vez puxéronse por diante, non deixaron escapar o partido, crecendo cada minuto, a pesar do xogo de cinco das visitantes nos últimos dez minutos de partido que puxo en apretos á escuadra de Jorge Basanta.
Arrancaba o encontro co conxunto coruñés querendo ir moi arriba na presión para xerar ocasións e poñerse rápido por diante no marcador pero o Valdetires Ferrol conseguía contrarrestar as ocasións locais, principalmente con grandes actuacións da porteira visitante, Andrea.
As departamentais tentaban aproveitar algunha xogada á contra para adiantarse, pero as herculinas tamén estaban moi metidas en defensa e conseguían manter a súa portería a cero. A medida que pasaban os minutos, parecía que o xogo se ía durmindo, e mantívose o 0-0 ata o intermedio do partido.
Tras o tempo de lecer, as laranxas puxéronse meteron unha marcha máis, e así foi como conseguiron meter o 1-0, grazas a unha xogada por banda de Patri Romaní, que colocaba o balón á área, para que Irune puxese o primeiro tanto no marcador anotando a porta baleira. O gol deulle alas ás locales e cinco minutos máis tarde acadaron o 2-0 tras un saque de portería rápido de Sandra que rematou Inés Suárez en gol. 2-0 que poñía o partido custa arriba para as de Diego Pardo. A pesar diso, as verdibrancas non baixaron os brazos en todo o partido e tentárono ata o pitido final.
Tras este segundo gol, as locais apretaron os dentes, e nun potente disparo exterior, Peli puxo o 2-1 no marcador recurtando distancias para o Valdetires. Parecía que as visitantes se podían meter no partido, pero de súpeto o Viaxes Amarelle regresaba con gol, e Irune poñía o 3-1 no marcador que a postre sería definitivo.
Co 3-1 no marcador e aínda con 10 minutos por diante, o conxunto departamental optou polo xogo de cinco, pero sen conseguir o tanto que puidese meter as ferrolás no partido. O Amarelle soubo manter unha boa defensa e gardar a vantaxe no luminoso do 3-1 ata que o remate do encontro.
As da cidade da Torre de Hércules acadaron deste xeito un ascenso que o fai recuperar a súa praza na máxima categoría do fútbol sala feminino español. Un viaxe que as galegas esperan que sexa de ida e permanecer moitos anos na categoría de ouro do futsal nacional.
FICHA TÉCNICA
Viaxes Amarelle FSF: Sandra, Martita, Irune, María Gómez, Patri Corral (cinco inicial), Patri Romaní, Yaiza, Inés Suárez, Mónica Rodal, Tami.
Valdetires Ferrol FSF: Andrea, Erika, Peli, Didid, Suki (cinco inicial), Lidia Mesias, Paula, Ainhoa.
Goles: 1-0 Irune Santesteban (min. 21); 2-0 Inés Suárez (min. 26); 2-1 Peli (min. 28); 3-1 Irune Santesteban (min. 29).
Árbitros: Ferrero Carballal e Martínez Torres da Delegación de Árbitros de Pontevedra. 3º árbitro e asistente: Pérez Muñiz e García Vázquez da Delegación de Árbitros de A Coruña.
Tarxetas: Cartón amarelo a Erika e Sheila do Valdetires Ferrol FSF.
Incidencias: Partido correspondente á final do Playoff de ascenso á Primeira División Nacional Femenina FS disputado no polideportivo Municipal da Sagrada Familia (A Coruña).
