O equipo herculino do Viaxes Amarelle FSF afrontaba esta xornada un partido importante contra un rival directo, un Rayo Majadahonda Afar 4 FSF que aínda non conseguira puntuar neste inicio de tempada. As locais adiantáronse aos doce segundos de xogo, e a pesar de que as herculinas tiveron oportunidades para meterse no partido, ao final terminaron pagando moi caro a súa falta de acerto, diante un rival que non fallou ningunha das súas ocasións para levar os tres puntos ao impoñerse por un marcador de 7-1 sobre a escuadra galega.
O partido empezaba co Rayo Majadahonda Afar 4 FSF moi necesitado de puntos e que empezou apertando desde o primeiro segundo, e así foi como aos doce segundos de xogo Marta de Diego conseguía adiantar ás locais, aproveitando o rexeite do seu primeiro intento. O Viaxes Amarelle FSF non veu abaixo e fíxose co balón e buscaba a portería contraria para poñer a igualada, mentres que as locais trataban de sorprender á contra.
As ocasións chegaban para as herculinas, pero o gol non se facía protagonista para as galegas. Xa na medianía do período un novo roubo de balón das locais provoca unha contra de Peque que cun potente disparo exterior cruzado sorprende a Leti e sobe o 2-0 ao marcador.
As herculinas vólvense máis intensas na presión, e a pesar de conseguir varias ocasións moi claras, Lauri fai a súa da súa portería un lugar infranqueable para a escuadra herculina. Os minutos pasan, e o Viaxes Amarelle FSF non baixa no seu ánimo de recortar distancias no marcador, pero o partido vaise ao tempo de asueto cun parcial de 2-0 para o conxunto majariego.
Na continuación, o Viaxes Amarelle FSF buscaba sen descanso a portería das locais, e xeraba perigo, pero unha gran actuación de Lauri na portería majariega parecía facer imposible que as herculinas recortasen distancias no marcador; pero na medianía do período Lau Doce aproveitaba á saída dun córner para no segundo pau subir o 2-1 ao marcador.
Con este gol, e practicamente tempo de reacción, chegou outra oportunidade moi clara para as herculinas que permitise poñer as táboas no marcador, pero de novo a porteira local, impedía a igualada. E as locais facían facendo dano cos roubos de balón, e a sete minutos do final, un novo roubo de balón local, deixaba a Marta de Diego o un para un para poñer o 3-1.
As herculinas seguiron probando recortar distancias, e no tramo final, do últimos cinco minutos, apostaron polo xogo de cinco para meterse na loita polos puntos, pero o gol galego non chegaba; mentres que as locais conseguían facer un dano excesivo con varias perdas de balón herculinas, que deixaba ás locais co balón a porta baleira e ampliaban a súa renda no marcador ata o 7-1, nos dous últimos minutos de partido; provocando unha dolorosa derrota para a escuadra galega.
O Viaxes Amarelle xoga pese ao parón de seleccións para disputar o partido adiado co Telde
Tras este novo duelo oficial da tempada, o conxunto herculino terá de descanso a xornada do domingo; pero o luns retoma os adestramentos, e pese ao parón de seleccións, as herculinas preparásense para recuperar o encontro aprazado da terceira xornada, que se fai moi importante para recuperar sensacións.
A Primeira División da RFEF Futsal Femenina recupera a terceira xornada da competición, en partido que terá lugar o sábado 22 de outubro de 2022, a partir das 20:30 horas no Pavillón da Cidade Deportiva de Gran Canaria (Las Palmas), onde o o Viaxes Amarelle FSF visitará ao Gran Canaria FSF Teldeportivo.
FICHA TÉCNICA
7) RAYO MAJADAHONDA AFAR4 FSF: Lauri, Marta de Deigo, Pitxi, Moni e Peque – quinteto inicial -. Tamén xogaron: Cels, Anacris, Sofía e Chili.
1) VIAXES AMARELLE FSF: Leti Rojo, Lau Doce, Èlia Gullí, Carol Agulla e Clàudia Lobo – quinteto inicial -. Tamén xogaron: Khrystyna Stepanenko, Cris Lourés, María Gómez, Tety, Marta Hermo e Daryna Tkachenko.
GOLES: 1-0 Marta de Diego (min. 1); 2-0 Peque (min. 10); 2-1 Lau Doce (min. 30); 3-1 Marta de Diego (min. 33); 4-1 Chili (min. 37); 5-1 Peque (min. 39); 6-1 Peque (min. 39); 7-1 Moni (min. 40).
EQUIPO ARBITRAL: Francisco Javier Marzuela Hernando e Marcos Cazorla Pérez do Comité Técnico de Árbitros de Madrid. Asistente: Héctor Mayo López do Comité Técnico de Árbitros de Madrid. Mesa: Ángel López Moreno do Comité Técnico de Árbitros de Madrid. Sen amonestadas.
INCIDENCIAS: Partido correspondente á quinta xornada da Primeira División da RFEF Futsal Femenina disputado no Pavillón Municipal de La Granadilla (Majadahonda).
