Repasamos a xornada dos equipos galegos na 2ª División de fútbol sala antes da chegada dunha nova fin de semana competitiva.
O Viaxes Amarelle non solta o pé do acelerador nesta división de prata do futsal feminino. O equipo herculino, dirixido por Jorge Basanta, afrontaba o terceiro partido da tempada como local, e facíao cun derbi provincial, recibindo a visita dun necesitado A Fervenza, que soubo crear inseguridades sobre as coruñesas, que non conseguiron abrir o marcador ata o final da primeira metade.
As herculinas do Amarelle terminaron por resolver o encontro fronte ao conxunto de ferrolterra, e encarrilar a sexta vitoria da tempada, tras impoñerse por un marcador de 8-0, grazas aos goles de Patri Romaní (2), María Gómez, Cris Lourés, Carlita, Yaiza, Candela Soria e Èlia Gullí.O Valdetires asinou as táboas (2-2) nun pavillón sempre complicado como é o do Txantrea. Con este valioso empate, as ferrolás sitúanse na 6ª posición e suman 8 puntos no seu casilleiro.
O Cidade de As Burgas goleou por 6-1 ao 5 Coruña F.S. no seu feudo. As de Manolo Codeso seguen a completar un gran arranque de tempada e suman 13 puntos que lles sirve para situarse na 4ª posición da táboa.
O único equipo galego da xornada que sumo de 0 foi o Ourense Envialia “B” que caeu pola mínima (3-2) ante o Mioño. O filial ourensán sitúase na 10ª posición da táboa con 6 puntos.
O Cando FSF Castro dedicou a Eugenia, a súa socia número 1 que falecíaa semana pasada, a contudente vitoria por 6-1 ante o Viuda de Sainz Gora. As de Castro de Rei están a facer un impresionante inicio de campaña, con cinco vitorias e tan só un empate. 16 puntos para situarse no posto de prata da clasificación.
O pódio dos equipos galegos na clasificación completao Bembrive que se impuxo a domicilio por 2-5 no feudo do Rodiles FSF e son terceiras na táboa con 15 puntos no casilleiro.