O conxunto dirixido por Jorge Basanta viaxa a Villaviciosa (Asturias) para afrontar o último partido oficial do ano 2019. O rival das galegas, o Rodiles FSF ocupa actualmente a duodécima posición da xeral, con 7 puntos. O equipo astur é o quinto equipo menos anotador da competición con 19 goles a favor e o cuarto que máis encaixa con 28 goles en contra.
A pasada tempada, o conxunto de Santi Tuero, quedou na 8ª posición da xeral. Nesta tempada, as herculinas non deberán confiarse na súa visita, xa que a posición das asturianas é enganosa, pois asinou táboas con equipos da zona alta como Valdetires Ferrol FSF, UDC Txantrea FSF ou FSF Castro. Ademais de vender cara a súa derrota en casa do segundo clasificado, O Fisgón, por un axustado marcador de 2-1.
O Viaxes Amarelle FSF, que ainda non coñece a derrota e tan só concedeu un empate no que va de tempada, viaxa a unha cancha na que non será doado sacar puntos. As de Tuero, a pesar de ocupar a penúltima posición da xeral, xa sorprendeu a varios rivais que aspiran ao playoff de ascenso. Será por iso, polo que as xogadoras dirixidas por Jorge Basanta non deben confiarse e terán que pelexar por conseguir unha vitoria que lles deixe pechar o ano no liderado do grupo primeiro da Segunda División Nacional Feminina do fútbol sala.
Rodiles FSF – Viaxes Amarelle FSF
Sábado 21 de diciembre de 2019 a las 18:30 horas
Pavillón Municipal Manuel Busto (Villaviciosa – Asturias)
