- Debut con vitoria para o Viaxes Amarelle FSF no seu primeiro partido de tempada fronte a un complicado Arriva AD Alcorcón FSF (0-3)
O retorno á elite do Viaxes Amarelle FSF foi exitoso. O conxunto que adestra Jorge Basanta afrontaba esta fin de semana o primeiro partido da nova tempada 2022/2023 na máxima categoría do do futbol salga feminino estatal. As coruñesas regresaba á elite, facíano a domicilio e ademais visitando a cancha dun complicado como é o Arriva AD Alcorcón FS. Non parecía doado pero: proba superada!
O Arriva AD Alcorcón FS rematou a competición en sexto lugar o pasado curso. Así que, sobre o papel, a saída a terras madrileñas non parecía doada para ser o primeiro paso no retorno das galegas. Así e todo, as herculinas realizaron un gran traballo sobre a cancha e conseguiron sumar o primeiros tres puntos da tempada, tras impoñerse por un marcador de 0-3, grazas aos goles de Carol Agulla, Èlia Gullí e Clàudia Lobo.
O partido empezaba equilibrado entre os dous equipos, pero moi pronto sorprendía a escuadra herculina cunha liña de presión a tres cuartos de cancha. A primeira ocasión chegaría para as locais cun disparo de Laura Oliva, que Leti Rojo atallaba con solvencia; pero as herculinas tamén xeraban o seu perigo cun cabezazo de Clàudia Lobo que se escapaba fóra da portería local.
Aos poucos, parecía que o conxunto local ía gañando unha posición máis ofensiva sobre a cancha, pero o bo labor defensivo das visitantes facía que o marcador permanecese co 0-0 inicial.
No último minuto da primeira metade, chegaba un saque de banda desde 17 metros, que sacaba Cris Lourés, para Carol Agulla, que enganchaba un potente disparo que se terminaba por coar ao fondo da portería do Arriva AD Alcorcón FSF, tras golpear nunha xogadora oleira (0-1).
Segunda parte máis intensa do Alcorcón co Viaxes Amarelle solvente en defensa
Tras o descanso Arriva AD Alcorcón FSF tomaba partido no xogo e subía a intensidade do xogo para tratar de igualar a contenda, pero as herculinas contestaban son solvencia defensiva e rápidas transicións para tratar de sorprender. A escuadra laranxa seguía cunha presión en tres cuartos de cancha, e na medianía do segundo período, Èlia Gullí rouba o esférico e busca a portería contraria para subir o 0-2 ao marcador.
Xa no tramo final do partido, cando quedaban cinco minutos por disputarse, as oleiras optan polo xogo de cinco para poder meterse no partido e buscar a igualada, pero o Viaxes Amarelle FSF consegue manterse dentro do partido cunha defensa, e presionando a condición de que tiña ocasión.
A falta de tres minutos para o final, Èlia Gullí consegue penetrarse co balón ao fondo da cancha, e mete un balón á área, onde Cláudia Lobo moi atenta dá o toque xusto para poder subir o 0-3 ao marcador.
As locais seguiron tentando co xogo de cinco, pero a vitoria xa estaría definida para a escuadra laranxa, que inicia da mellor maneira posible esta nova tempada na competición ligueira.
Seguinte rival das coruñesas: La Boca Te Lía Futsal Alcantarilla
Tras este primeiro duelo oficial da tempada, o conxunto herculino descansaba onte, na xornada do domingo, e hoxe luns xa tiña previsto retomar os adestramentos. Faio coa vista posta na seguinte xornada da competición ligueira a próxima fin de semana.
A Primeira RFEF Futsal Feminina chega á cidade herculina coa segunda xornada da competición, que terá lugar o domingo 18 de setembro de 2022, a partir das 12:00 horas no Pavillón Municipal da Sagrada Familia (A Coruña), onde o Viaxes Amarelle FSF erecibirá ao La Boca Te Lía Futsal Alcantarilla.
📺⚽️🧡 GOLES FUTSALEROS ‼️
Hoy revivimos esos tres goles que ayer nos llevaron a un inicio de temporada con victoria naranja.
0-1 @carolinagulla09
0-2 @eliaagulli
0-3 @claudialobovía @live_vuvuzela @FutSalRFEF#futsalFemenino #VoltarPraQuedar pic.twitter.com/23qGsv6XDy
— Viaxes Amarelle FSF (@amarellefsf) September 11, 2022
FICHA TÉCNICA
0) ARRIBA AD ALCORCÓN FSF: Patri Arruti, Nere Moldes, Tania, Clau López e Aída de Miguel – quinteto inicial -. Tamén xogaron: Albita, Laura, Laura Oliva, Paula Llorente, Carmen Alonso, Marta Nuño, Iraia i Estela.
3) VIAXES AMARELLE FSF: Leti Rojo, Carol Agulla, Èlia Gullí, Cris Lourés e Clàudia Lobo – quinteto inicial -. Tamén xogaron: Lau Doce, Daryna Tkachenko, María Gómez e Marta Hermo.
GOLES: 0-1 Carol Agulla (min. 19); 0-2 Èlia Gullí (min. 31); 0-3 Clàudia Lobo (min. 37).
EQUIPO ARBITRAL: Jorge González Moreta, Jorge Moreno Durán e Roberto Aragón González membros do Comité Técnico de Árbitros de Madrid. Estivo na mesa Ángel López Moreno pertencente ao Comité Técnico de Árbitros de Madrid. Amosaron cartóns amarelo sas futbolistas Clau López e Leire del Arriva AD Alcorcón FSF. Mentres que nas filas do Viaxes Amarelle FSF foron amonestadas con cartón amarelo as seguintes xogadoras: Carol Agulla, Cris Lourés e Clàudia Lobo.
Incidencias: Partido correspondente á primeira xornada da Primeira División da RFEF disputado no pavillón Municipal de Los Cantos (Alcorcón).
