Pescados Rubén Burela FS e Viaxes Amarelle comezan a semana coa XIV Copa Galicia como obxectivo. Mañá arrincan as semifinais para mariñás e herculinas, coa ida na pista do Viaxes Amarelle FS (12.00 horas, Sagrada Familia). O partido de volta está previsto para o 18 de marzo en Vista Alegre e as vencedoras pelexarán polo título o 11 de abril, na final.
“Será unha cita intensa, temos que marcar o noso ritmo para regresar cun bo resultado para ter a vantaxe na volta” advertía o técnico Julio Delgado tras a vitoria laranxa de 4-0 sobre o Xaloc Alacant, na xornada 21. “Amarelle é un equipo moi completo; está loitando por volver outra vez á elite. É un claro dominador en Segunda e vai poñérnolo moi complicado na súa casa”, advertía o adestrador.
Julio Delgado, adestrador do Pescados Rubén Burela: “Será unha cita intensa, temos que marcar o noso ritmo para regresar cun bo resultado para ter a vantaxe na volta”.
Coruñesas e burelistas medíronse esta tempada en oitavos de Copa da Raíña, con resultado favorable para as da Mariña por 0-6.
Julio Delgado, adestrador do Pescados Rubén Burela: “Amarelle é un equipo moi completo. Está loitando por volver outra vez á elite. É un claro dominador en Segunda e vai poñérnolo moi complicado na súa casa”.
Roldán, en liga
As Guerreiras completarán a semana desprazándose á pista do STV Roldán, oitavo na táboa, para disputar o sábado a xornada 22 de liga, a partir das 12.00 horas, con emisión en directo por 7TV.
Convocatoria Pescados Rubén Burela FS: 1. Jozi, 3. Dany, 5. Cristina, 6. Cilene, 7. Peque, 9. Jenny, 10. Lara Balseiro, 17. Ale de Paz, 19. Luci, 21. Jenny Lores
A outra semifinal tamén comezará mañá, na pista pontevedresa,e enfrotará ao Poio Pescamar contra o FSF-Ourense Envialia (20.00 horas).
