Colleitar un triunfo a domicilio diante do UCD Txantrea KKE fai que o Viaxes Amarelle FSF sexa un pouquiño máis líder da táboa clasificatoria na Segunda División do Fútbol Sala estatal.
O Viaxes Amarelle FSF, dirixido por Jorge Basanta, afrontaba o último partido do ano como local e facíao recibindo a visita dun UDC Txantrea KKE, que aspira a estar na zona alta da táboa. As herculinas empezaron con moito balón, pero custáballes facer gol; pero de todos os xeitos con paciencia e traballo os goles chegaron para impoñerse con suma contundencia #ante un rival que nunca se deu por vencido. O marcador deixou un claro resultado de 7-1 a favor das locais, grazas aos goles de Irune Santesteban, Patri Corral, María Gómez (2), Yaiza, Martita e Inés Suárez.
O partido empezaba cun Viaxes Amarelle FSF moi activo en ataque, querendo ter o balón e tocándoo moito para chegar ata a portería visitante; mentres que as visitantes afanábanse en defender e tentar sorprender á contra. Os minutos pasaban e o partido parecía que non terminaba de abrirse, pero aos nove minutos unha xogada de estratexia de falta terminaba cun gol por toda a escuadra de Irune Santesteban que levantaba a bancada herculina para poñer o 1-0 no marcador. Co empuxón do primeiro gol, as locais seguiron crecendo na cancha, e apenas uns segundos máis tarde Patri Corral recollía o rexeite dun disparo exterior, tras unha boa xogada herculina, e non perdoaba dentro da área o 2-0. Aínda quedaba moito partido por diante, e non había que confiarse, e menos diante dun rival que non se daba por vencido e xogaba subindo liñas para tentar roubar o balón e poder sorprender a Tami, baixo os paus da portería herculina. De todos os xeitos os minutos pasaron, e a pesar dos intentos de ambas as escuadras, fóronse ao descanso co parcial de 2-0 a favor das locais.
De volta á cancha e os dous equipos saían con presión alta; pero volvían ser as galegas as que se atoparían co gol, tras unha gran saída de balón xogado desde atrás, e unha serie de paredes entre Patri Romaní e María Gómez, que terminou co 3-0 obra da última xogadora, tras superar toda a defensa visitante. O partido poñíase moi de fronte para as xogadoras dirixidas por Jorge Basanta, pero non podían baixar a tensión en ningún momento, e no minuto 27 Yaiza poñía o 4-0 cun potente disparo exterior á saída dun saque de esquina. Tras este cuarto tanto galego, as navarras optaron por saír co xogo de cinco, e nunha das súas primeiras ocasións conseguiron recortar distancias, cun gol de Yessi Gascón.
A presión alta do Viaxes Amarelle deu resultado
O UDC Txantrea KKE seguía apostando polo xogo de cinco, e isto provocaba que as locais quixesen ter máis o balón e evitar así a superioridade en ataque, e tras uns minutos de moita tensión; a escuadra local aproveita unha xogada de estratexia á saída dun córner para poñer o 5-1 no marcador, grazas a un tanto anotado por Martita en disparo exterior de seis metros a nove minutos do final do partido. Aínda quedaba moito partido por diante, e o UDC Txantrea KKE seguía apostando por saír con xogo de cinco, pero as galegas non cejaban no seu empeño de atacar cunha presión alta, e nunha destas conseguiron roubar o balón en primeira liña e Inés Suárez poñía o 6-1 no marcador a falta de catro minutos para o final do tempo regulamentario.
A pesar da clara superioridade no marcador, as galegas non se deron por gañadoras en ningún momento e seguiron loitando cada balón; froito diso chegou o 7-1 a falta de algo menos de dous minutos, tras un saque de esquina a favor das locais, onde recibe María Gómez que leva á súa contraria e engana á porteira visitante para anotar o segundo gol na súa conta particular da tarde. A tensión continuou o último minuto e medio de partido, pero o marcador deixábao todo claro e cunha nova vitoria da escuadra herculina, que se impoñía por un contundente marcador a un rival con moitas ganas de pelexar cada balón.
Tras este novo encontro da tempada, o Viaxes Amarelle FSF regresará o luns ao traballo, para preparar o seguinte partido da competición nacional. Na que será a undécima xornada, e última xornada do ano 2019, que se disputará na tarde do sábado 21 de decembro de 2019 ás 18:30 horas no Polideportivo Municipal Manuel Busto (Villaviciosa – Asturias) visitando ao Rodiles FSF.
FICHA TÉCNICA
VIAXES AMARELLE FSF: Tami, Martita, María Gómez, Patri Corral, Irune Santesteban (cinco inicial), Patri Romaní, Yaiza, Inés Suárez, Zaida e Mónica Rodal.
UDC TXANTREA KKE: Goñi, Rebe, Nere, Ainhoa, Andrea (cinco inicial); Yessi Gascón, Jaio, Vidaurre, Iru, Ana, Uxue e Santes.
GOLES: 1-0 Irune Santesteban (min. 9); 2-0 Patri Corral (min. 10); 3-0 María Gómez (min. 23); 4-0 Yaiza (min. 27); 4-1 Yessica Gascón (min. 28); 5-1 Martita (min. 31); 6-1 Inés Suárez (min. 36); 7-1 María Gómez (min. 38).
ÁRBITROS: Pablo Coello Martínez e Iria de Luis Iglesia del Colegio de Árbitros de A Mariña. Mesa: Andrea de Luis Iglesia del Colegio de Árbitros de A Mariña. TARXETAS: Irune Santesteban del Viaxes Amarelle FSF (Tarjeta Amarilla).
INCIDENCIAS: Partido correspondiente á décima xornada do Grupo 1 da Segunda División Nacional Femenina FS disputado o sábado 14 de diciembre de 2019 no Pavillón del Complejo Deportivo de Elviña I (A Coruña).
