O primeiro paso do Viaxes Amarelle FSF nesta fase pola permanencia na Primeira División do fútbol sala feminino da RFEF tiña que ter sido hai xa días e fóra da casa. Pero a detección dun positivo por COVID-19 nas herculinas adiou ese momento a estas segunda xornada na que ten como rival ao AD Sala Zaragoza FS. Para este primeiro chanzo as coruñesas xogarán na casa, no pavillón da Sagrada Familia da Coruña a partir das 18:00 horas de mañá, sábado 3 de abril.
O Viaxes Amarelle FSF está encadrado no Subgrupo D da competición. O rival das herculinas para este xornada en plena Semana Santa é o AD Sala Zaragoza FS. Trátase dun equipo que iniciou a competición coa aspiración de meterse entre o catro primeiros do seu grupo para loitar polo título, pero finalmente quedo ás portas de conseguilo.
Actualmente, o equipo maño ocupa a terceira posición do grupo D da Primeira División do fútbol sala Feminino da RFEF. O conxunto de Zaragoza suma 50 goles a favor, e 47 tantos en contra; tras os 17 encontros disputados até a data. Así, suma 8 vitorias, 1 empate e 8 derrotas, contando con 25 puntos no seu casilleiro
O equipo herculino, dirixido polo técnico Jorge Basanta, despois do segundo confinamento, volveu aos entrenamentos este luns 29 de marzo, e tras seis sesións de adestramento volve á cancha de 40×20 coa intención de recuperar sensacións e poder empezar a puntuar no primeiro partido desta segunda fase da competición.
O Viaxes Amarelle FSF é consciente de que enfronte atoparase cun rival con xogadoras profesionais, e que se dedican, na súa maioría, exclusivamente ao fútbol sala.
Entran la lista as últimas incorporacións do Amarelle: Tana e Patri Romaní
A convocatoria para esta fin de semana está formada por todas as xogadoras dispoñibles para Jorge Basanta. So quedan fóra, polo tanto, Anna Escribano, que leva con molestias no seu xeonllo desde a semana posterior ao partido de AE Penya Esplugues, e Martita, lesionada de longa duración, que continúa o proceso de recuperación da súa operación de Ligamento Cruzado Anterior (LCA)
Así a lista ésta conformada polas porteiras Sandra Rodríguez, Leti Rojo e Tami Gándara, e as xogadoras de cancha: Candela Soria, Cris Lourés, Sofía Rodríguez, Patri Corral, Yai Otero, María Gómez, Lau Doce, Patri Romaní e Sofi Florentín. Deste xeito, entrar xa na lista de convocadas as dúas últimas incorporacións: a arxentina Sofi Florentín Tana, e a muxiá, Patri Romaní, que regresou á disciplina laranxa logo de non poder adicarse ao cinco contra cinco esta tempada por cuestións laborais.
Retransmisión en streaming do partido co AD Sala Zaragoza
Para paliar as limitacións de aforo coas que contan os recintos deportivos en Galicia por mor da pandema de COVID-19, e coa finalidade de que todas as persoas socias e afeccionadas ao fútbol sala poidan gozar deste novo partido do conxunto herculino na elite nacional, o club está a traballar para poder retransmitir o encontro por streaming, a través da canle de youtube do propio club.
A entidade herculina xa ten todo listo para a emisión do encontro, o cal se poderá seguir na canle de youtube do propio club, a través desta ligazón.
A muxiá Patri Romaní volve para reforzar ao Viaxes Amarelle FSF na recta final
