O Viaxes Amarelle FSF, dirixido por Jorge Basanta, e o Cidade de As Burgas con Manolo Codeso ao fronte, afrontan un apaixonante derbi galego para poder pasar de fase no novo formato da Copa de S.M. A Raiña de Fútbol Sala. Ambos conxuntos galegos afrontarán un partido único de dezaseisavos de final este venres 6 de decembro de 2019 ás 12:30 horas no Pavillón Municipal de Sacra Familia (A Coruña).
O equipo ourensán ocupa actualmente a décimo quinta posición da xeral na Primeira División Nacional Feminina FS, con 4 puntos tras conseguir 1 vitoria, 1 empate e 10 derrotas nos doce enfrontamentos que leva disputados ata a data. É o terceiro equipo menos anotador da competición con 19 goles a favor; e con 42 goles en contra é o quinto equipo que máis goles encaixa na competición que disputa.
A pesar da súa posición na clasificación, o equipo que dirixe Codeso ten resultados moi axustados contra os seus rivais, e ocupa unha posición baixa na Primeira División Nacional Feminina FS, pero o ritmo da competición está varios puntos por encima da competición de Segunda División; polo que as franxiverdes partirán como favoritas para conseguir o pase.
O Viaxes Amarelle FSF afronta no seu mellor momento o duelo por pelexar o pase a oitavos de final da Copa de S.M. A Raíña FS; pero é consciente de que o rival que ten en fronte compite ao máximo nivel do fútbol sala feminino. O último precedente de duelo entre ambos os equipos, se dirimiu a pretemporada pasada; cando o cadro herculino volvía á Primeira División Nacional Feminina FS e o Cidade de As Burgas FSF afrontaba unha tempada na Segunda División Nacional Feminina FS, e o partido resolveuse cunha vitoria herculina por un contundente 0-5.
Na presente tempada, os dous equipos non se enfrontaron en ningún partido, e este encontro será unha maneira de medir o nivel do cadro herculino e poder seguir dando alegrías á súa afección; e máis disputando o encontro en cancha propia. Jorge Basanta ten dispoñible a todo o persoal, fóra da lesionada Sandra Rodríguez, e será dúbida ata o último momento a holandesa Reneé Huizinga, que resultou lesionada no partido de liga de hai dúas semanas.
