A División de prata do fútbol sala ten parón na competición esta fin de semana por regularizar as xornadas de competición ao ser menos equipos no grupo 1. Ainda así, o Viaxes Amarelle FSF non tivo descanso e afrontaron unha semana con adestramento diferente. Acudindo a actividades dirixidas en AQA Complexos, onde este pasado martes realizaron unha actividade de Body Combat.
O cadro herculino vai líder destacado do grupo 1 da Segunda División Nacional Feminina, con seis puntos de vantaxe sobre o segundo clasificado, e un partido menos disputado que o seu máximo perseguidor cando restan oito partidos por disputar. O cadro galego acumula un total de 14 vitorias e 2 empates, nos 16 encontros que disputaron ata a data.
Entre os seus números destaca a súa gran capacidade goleadora, sumando un total de 99 goles a favor e perfílanse como o equipo que menos goles encaixa, con só 19 tantos encaixados. O que provoca unha diferenza ao seu favor de 80 goles, ademais de ser o único equipo invicto de toda a Segunda División Nacional Feminina FS.
Nesta semana onde o equipo non terá competición para poder regularizar que todos os grupos da Segunda División Nacional acaben na mesma data, as herculinas gozaron duns adestramentos diferentes, e entre eles estivo unha actividade de Body Combat, que o primeiro equipo do club gozou no complexo de Elviña de AQA Complexos.
