O Viaxes Amarelle FSF terá un partido moi complicado, no seu correspondente segundo partido da segunda volta. O líder visita a pista da Fervenza, un conxunto que foi o único capaz de puntuar ante as herculinas na primeira volta (2-2). O derbi provincial xogarase este domingo 16 de febreiro ás 12:00 horas no pavillón Municipal da Malata (Ferrol).
O Comarcal A Fervenza FSF ocupa actualmente a sétima posición da xeral, con 18 puntos na marcadora tras sumar 5 vitorias, 3 empates e 6 derrotas nos catorce encontros que disputaron ata a data. É o sexto equipo máis anotador da competición con 35 goles a favor e o quinto que menos encaixa con 34 goles en contra. As de Ferrolterra foron o único equipo capaz de puntuar durante a presente tempada ante as herculinas tras acadar un valioso empate (2-2) no feudo herculino. Ainda así, as rosas acumulan nas últimas catro xornadas só conseguiron sumar un empate, contando o resto de encontros por derrotas.
O Viaxes Amarelle FSF regresa á competición e tentará resarcirse cun bo resultado na súa visita á cancha do único rival co que as herculinas non foron capaces de sumar unha vitoria na presente tempada. As laranxas seguen coa baixa nas súas filas de Martita e Reneé e afrontarán esta nova xornada cun plantel axustado. Gran derbi pronvicial o que poderá vivirse durante o mediodía do vindeiro domingo en Ferrol, cun fútbol de alto nivel na División de Prata do fútbol sala.
