Un Amarelle máis líder golea ao Ribamontán e A Fervenza cede dous puntos na Malata

O Viaxes Amarelle volve sorrir despois do pau copeiro do martes fronte ao Burela Pescados Rubén FSF e faino da mellor maneira, despois de golear por un contundente marcador de 9-0, ao pechacancelas da clasificación, o Ribamontán. A Fervenza non puido pasar do empate 2-2 ante o Promesas de Logroño en casa pero suma o seu terceiro partido seguido sen coñecer a derrota.

Goleada de líder

As herculinas dominaron de inicio a fin. E esta vitoria, unido ao traspés do Fisgón Fútsal, deixa ás herculinas un pouco máis líderes, con 6 puntos de vantaxe sobre o segundo clasificado, e un partido menos que estas.
O partido empezaba cun conxunto herculino que quería ter o balón e empezar a xerar ocasións de gol, pero topouse cun rival que exerceu unha presión constante a media cancha e dificultaba por momentos as chegadas locais. Á vez, que as boas actuacións da porteira visitante impedía que chegase o primeiro gol.

Despois de varias chegadas infrutuosas, aos cinco minutos de xogo chegaba o 1-0, tras unha recuperación en primeira liña de Irune Santesteban e un perfecto golpeo de balón desde 7 metros para mandar o balón ao fondo da rede visitante. Tras este tanto, o ritmo de partido continúo con intensidade, e chegadas constantes das herculinas, pero faltaba o gol.

Eran chegadas moi claras para as locais, mentres que as visitantes afanábanse nunha defensa, con presión a media cancha, pero intensa, aínda que non conseguían roubar nin xerar o suficiente perigo sobre a portería defendida por Tami.

Os minutos pasaban, e o gol seguía resistíndose para as locais, ata que a falta de seis minutos para o tempo de asueto, nunha clara ocasión para as locais a porteira visitante sae fose da área e bloquea o balón coa man, provocando isto a expulsión por vermella directa da meta cántabra. O rival quedaba cunha xogadora menos na cancha, e as herculinas tiñan unha falta ao bordo da área, que aproveitaban cunha xogada de estratexia para que Yaiza, a pase de Patri Corral, puxese o 2-0 no marcador.

A intensidade das locais non baixaba, e apenas uns segundos máis tarde, as herculinas metían un balón á área, e a defensa visitante no seu afán de botar o balón fóra, acabou por metelo ao fondo da súa propia portería, subindo así o 3-0 ao marcador. Aínda quedaba partido por diante, pero as visitantes aguantaron as arremetidas galegas e mantiveron o 3-0 para chegar ao tempo de asueto.

Na continuación, o conxunto herculino seguía coa posesión do balón e xerando perigo sobre a portería visitante, e o Ribamontán al Mar FSF aguantaba e atallaba ocasións moi claras das locais. Pero aos oito minutos de xogo chegou unha gran combinación entre Patri Romaní e Patri Corral, onde esta última terminou por poñer o 4-0 no marcador finalizando a xogada dentro da área.

A pesar da diferenza no marcador, o Viaxes Amarelle FSF seguía cunha presión alta de balón sobre o seu rival, e nunha contra armada polas visitantes, o conxunto local consegue recuperar o esférico e nunha rápida transición entre Patri Corral e Inés Suárez, a última poñía o 5-0, a falta de sete minutos para a conclusión do encontro.

O partido estaba decidido, pero ningún dos dous equipos baixaba os brazos, e coa intensidade característica do cadro laranxa, María Gómez recuperaba un balón e nun disparo exterior de 8 metros pon o 6-0 no luminoso, cando quedaban tres para o final do partido. Xa a falta de pouco máis de minuto e medio para o final do tempo regulamentario, as herculinas executaban unha xogada de bela factura, cunha gran triangulación entre Irune Santesteban, María Gómez e Inés Suárez, onde a primeira termina a xogada cun balón ao segundo pau dentro da área e sen oposición, subindo o 7-0.

Quedaban segundos para terminar o partido, e as herculinas mantiñan a presión alta sobre o seu rival, e a falta de pouco máis de trinta segundos, recuperan un balón, e nunha xogada entre Inés Suárez e María Gómez, a última pon o 8-0 no marcador. Parecía que todo se ía a ir así, pois restaban pouco máis de trinta segundos de xogo, pero chegou a conexión da Costa da Morte, entre Inés Suárez e Patri Romaní, onde a última culmina a xogada dentro da área e sen oposición, sumando o 9-0 no marcador, cando restaban dez segundos por disputarse; resultado que ao cabo sería definitivo.

Tras este novo encontro da tempada, o Viaxes Amarelle FSF regresará o luns ao traballo, para preparar o seguinte partido que non terá lugar ata dentro de dúas semanas, por ter ser xornada de descanso na competición para o Grupo 1. As herculinas dirimirán o seguinte partido de liga, correspondente á décimo novena xornada de liga a fin de semana do 14 de marzo en horario e pavillón aínda por determinar visitando ao Ourense Envialia FSF B.

1 de 7

- +

FICHA TÉCNICA

VIAXES AMARELLE: Tami, Patri Romaní, Inés Suárez, Yaiza, Patri Corral (cinco inicial), Irune Santesteban, Reneé, María Gómez.

RIBAMONTÁN: Paula López, Noiva, Lidia, Ana Isabel, Sofía (cinco inicial), Carolina, Paula Valdivielso, Sandra, Marina, Blanca (porteira suplente).

GOLES: 1-0 Irune Santesteban (min. 5); 2-0 Yaiza (min. 14); 3-0 Lidia (propia puerta) (min. 15); 4-0 Patri Corral (min. 28); 5-0 Inés Suárez (min. 33); 6-0 María Gómez (min. 37); 7-0 Irune Santesteban (min. 38); 8-0 María Gómez (min. 39); 9-0 Patri Romaní (min. 39).

ÁRBITROS: José Manuel Carreira Romero e Roberto Martínez Pena colexio de árbitros da Coruña. Mesa: Berta García Vázquez do colexio de árbitros da Coruña.

Tarxetas: Paula López del Ribamontán Al Mar FSF (Tarxeta vermella).

Incidencias:Partido correspondente á décimo oitava xornada do Grupo 1 da Segunda División Nacional Feminina FS disputado o sábado 29 de febreiro de 2020 no Pavillón do Complexo Deportivo de Elviña I (A Coruña) entre o Viaxes Amarelle FSF e o Ribamontán al Mar FSF.

A Fervenza paga as imprecisións cun empate

As rosas non puideron pasar do empate 2-2 ante un Promesas moi necesitado de puntos que apretou as ferrolás. As xogadoras dirixidas por Chipi pagaron en exceso a falta de acerto e as imprecisións durante os 40 minutos e deixaron escapar dous puntos da Malata ante un equipo, o Promesas, que mañá terá que volver a xogar na mesma pista ante o Valdetires.

O técnico galego saía ao partido co quinteo inicial formado por Lu, Cris, Nata, María y Elvi en busca de seguir coa boa dinámica e sumar a súa segunda vitoria consecutiva. No minuto 15 de partido un gol de Sabela Roca poñía as galegas por diante. Con 1-0 chegaríase ao descanso na Malata.

Tras o tempo de lecer, o Promesas Logroño poñería as táboas no luminoso no minuto 7 da segunda metade. E tan só tres minutos máis tarde poñeríase por diante e metería presión as rosas. Pouco duraría a alegría as visitantes xa que Elvira López poñería o empate final cando o marcador amosaba o minuto 11 deste segundo tempo.

Empate que consolida un refacho de tres partido sen coñecer a derrota e deixa ás ferrolás na 6ª posición con 23 puntos. As pupilas de Chipi visitan a vindeira xornada ao C.D. Universidad De Valladolid.

Nos encontramos en La Malata donde a las 19:00 horas comienza un apasionante @afervenzafsf contra @EDFL_oficial pic.twitter.com/zTIpeOaHwS
— Comarcal A Fervenza (@afervenzafsf) February 29, 2020