Gran partido no derbi provincial entre Viaxes Amarelle e A Fervenza. O conxunto herculino salvou un punto cando o contador estaba a piques de chegar ao final. O cadro laranxa envorcado no ataque, só atopou o premio do gol a falta de sete segundos para o final, e que lle permitiu sumar un punto ante un gran equipo. O Amarelle non foi quen de superar ás ferrolás nin no partido de ida nin no de hoxe. A Fervenza segue a ser a ovella negra das laranxas, sendo o único que logrou puntuar ante elas, e agora por partida dobre.
O encontro empezaba co equipo de ferrolterra esperando en media cancha, mentres que as herculinas forzaban unha presión a cancha completa e onde buscaban con ansias abrir o marcador pronto. As locais estaban moi centradas na defensa, e poñían o traballo moi difícil para o equipo de Jorge Basanta que desesperaba ocasión tras ocasión, sen conseguir o gol.
O Viaxes Amarelle FSF trataba de chegar canto antes a atoparse co gol, e subía o seu ritmo de perigo, polo que as xogadoras dirixidas por Chipi optaron por saír de xogo de cinco nos últimos minutos de partido, pero o marcador mantívose co 0-0 no marcador.
Tras o tempo de lecer, as herculinas saíron aínda máis activas en ataque, e xerando ocasións sen parar, pero as locais cunha moi boa defensa e coa actuación da porteira local, o gol non daba chegado, e a desesperación empezaba a ter efecto nas xogadoras de Jorge Basanta.
Na medianía do período, Cris executaba un saque de banda en tres cuartos de pista e na súa golpeo, o balón tocaba en Yaiza e desviaba a traxectoria do balón subindo o 1-0 ao marcador. Este gol poñía moito máis complicado o partido para as herculinas, que optaron por sacar o xogo de cinco para poder igualar a contenda.
As rosas seguían a facer unha gran labor en defensa e non deixaba que o gol entrase ao fondo da rede para igualar a contenda. Gran partido das xogadoras de Chipi durante os 40 minutos. Pero tanto vai o cántaro á fonte, que a falta de sete segundos para o final do partido, o Viaxes Amarelle FSF colga un balón á área desde o córner e este acábase coando entre as pernas da meta local e poñendo o 1-1 no marcador, que deixa unha repartición de puntos e permite que as herculinas continúen no máis alto da táboa.
Unha nova perla rosa
Tras este gran partido das rosas na cancha do líder, A Fervenza xogará outro derbi galego e viaxará ata terras ourensás para xogar contra o filial, Ourense Envialia B. A parte da gran actuación das ferrolás a outra boa nova foi a primeira convocatoria de Julia Rodríguez con primeiro equipo. A rosa, ten 15 anos recén cumpridos e será sen dúbida unha das perlas a ter en conta de cara ao futuro.
Por primera vez, Julia Rodríguez entra en la convocatoria dada por @jcchipi para el partido de mañana frente @amarellefsf . La rosa, recién cumplidos los 15 años, recibe la confianza del técnico para el derbi de A Malata. Aquí hay cantera!!!#porqueserrosamola pic.twitter.com/cTyR9JhjmV
— Comarcal A Fervenza (@afervenzafsf) February 15, 2020
Con este empate, as de Jorge Basanta mantéñanse no liderado do grupo 1 da Segunda División Nacional Feminina FS, mentres que A Fervenza sitúase na 7ª posición con 19 puntos. Tras este novo encontro da tempada, o Viaxes Amarelle FSF volverá o luns ao traballo, para preparar o seguinte partido das herculinas será o sábado 22 de febreiro de 2020 ás 18:00 horas no Pavillón do Complexo Deportivo de Elviña I (A Coruña) recibindo ao Osasuna Lacturale Orvina.
FICHA TÉCNICA
COMARCAL A FERVENZA FSF: Lucía, Raquel, Cristina, María, Elvira (cinco inicial), Natalia, Claudia, Sabela, Julia.
VIAXES AMARALLE: Sandra, Patri Romaní, Irune Santesteban, Inés Suárez, María Gómez (cinco inicial), Patri Corral, Yaiza, Mónica.
GOLES: 1-0 Yaiza (propia porta) ( min. 31); 1-1 Lucía (propia porta) ( min. 39).
ÁRBITROS: Borja Moreira Bermúdez e Marcos Pérez Rodríguez do Colexio de Árbitros da Coruña. Mesa: Santiago Pena Loureiro do Colexio de Árbitros da Coruña.
AMONESTACIÓNS: Cristina do Comarcal A Fervenza FSF (Tarxeta Amarela).
INCIDENCIAS: Partido correspondente á décimo sexta xornada do Grupo 1 da Segunda División Nacional Feminina FS disputado o domingo 16 de febreiro de 2020 no Pavillón Municipal da Malata (Ferrol) entre o Comarcal A Fervenza FSF e o Viaxes Amarelle FSF.
