No mediodía deste domingo puidemos gozar dun gran derbi entre dous conxuntos con obxectivos moi distintos. O Viaje Interrías, seguir no máis alto da táboa e o Umia fuxir dos postos comprometidos da táboa. As visitantes puxéronse por diante no primeiro cuarto de hora tras un gol de Eva, pero primeiro no 41′ a traves de Machado e despois no 71′ por medio de Tania as locais deron volta ao luminoso. Ao final 2-1 para es de Luis Treviño que seguen a liderar o Grupo I da Primeira División Nacional.
O partido estivo dominado polas locais, cun bo xogo e largas posesión, pero sería o Umia o primeiro en anotar tras unha contra moi ben finalizada por Eva cun tiro cruzado que se envenenou e pasou por riba da gardamallas Morais. As de Treviño levaban o peso do xogo, e as de Buján o tiñan moi claro, estar moi xuntas e esperar unha boa contra para finalizar, e así foi como se puxeron por diante.
Tino Buján, adestrador do Umia: “Estivemos moi intensas en campo contrario e con balón estivemos moito mellor que noutros partidos”.
Luis Treviño, adestrador do Viajes Interrías: “Tivemos o control do xogo, a través de boas posesións de balón”.
Ainda con 0-1 no luminoso, o Umia puido anotar o segundo tras outro contraataque precedido dunha perda do Interrías que colleu ás costas aa zaga local e o coiro estrelándose no pau da porta de Morais. O plan de Tino Buján estabase a cumplir á perfección.
Tino Buján, adestrador do Umia: “Elas son un equipo que domina moito e ten moito o balón. Despois do empate custounos moito aguantar o bloque”.
O Viajes Interrías segui co plan previsto, de levar o peso e o dominio do xogo. Así chegou o empate de Machado ao filo do descanso. A amplitude do xogo permitía chegar a zona de centro a moitas xogadoras locais e nunha de elas, Machado rematou ao fondo das mallas un bo centro de Sara Alonso.
Tino Buján, adestrador do Umia: “Ímonos con pena pola derrota, pero moi contentas polo traballo feito. Temos que felicitar ao Interrías porque son un equipazo. Este partido refórzanos e fainos ver que estamos no bo camiño”.
Con 1-1 o Umia tivo un longueiro para volver a poñer por diante, pero lonxe máis lonxe da realidade foi Tania o que facía o derradeiro 2-1 a falta de 20 minutos para o asubío final. O Interrías é máis líder e o Umia terá que seguir pelexando para poñer terra de por medio co descenso.
